1 SAMUEL 19:23 - Sura' Madatu

²³ Malemi tu Saul ma’palulako Nayot, sikandappi’ Rama, Narampoi dukami PenaanNa Puang Matua tu Saul naurunganni marassan lumingka, natiakka’mo penaanna ma’nubua’ sae lako rampona dio Nayot, sikandappi’ Rama.

1 SAMUEL 19:23 ပူးပေါင်းရင်းမြစ်များ

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

SARAMBU PEADA’ 21:1

Iatu penaanna datu lan limanNa PUANG susito salu’-salu’, Napalolong lao umba-umba tu Naporai.

KADIBILANGAN 23:5

Napatamami PUANG tu misa’ kada dio pudukna Bileam, Nama’kada Nakua: Sulemoko lako Balak, ammu ma’kada susite.

KADIBILANGAN 24:2

Iatonna bangunanni Bileam tu matanna, sia natiro tu to Israel ma’tenda unturu’ sukunna. Narampoimi PenaanNa Puang Matua.

MATIUS 7:22

Iapi to allo iato anna buda tau ma’kada lako Kaleku kumua: O Puang, o Puang!, tang tete dioraka sangamMi angki mangada’i, sia tete dio sangamMi angki rambai deata bulituk sia tete dio sangamMi, angki pogau’ buda tanda mangnga?

YOHANES 11:51

Apa iari napokadai to, tae’ kumua tuo lu dioi mai kalena, sangadinna belannari ia Tominaa Kapua to taun iato, anna ma’nubua’ kumua Yesu tu la mate ussondai tu bangsa iato.

1 KORINTUS 13:2

Sia moi angku appa’ pa’kamase ma’nubua’, sia unnissan mintu’ membuninna sia mintu’ kapaissanan, sia moi angku ampui kapatonganan tae’ sayuanna, naurunganni ma’dinna’ umpalengka’ buntu, apa ke tae’i kuampui pa’kaboro’, manassa moi misa’ tae’ patungku.

1 SAMUEL 10:10

Iatonna rampomo sola duai lako Gibea, natammuimi kasirampunan nabi. Anna rampoi penaanNa Puang Matua, naurunganni tiakka’ penaanna ma’nubua’ dio lu tau iato mai.

1 SAMUEL 10:12

Mebalimi tu misa’ tau inde to dio mai, nakua: Mindara tu ambe’na? Iamoto anna dadi misa’ parumbasan, nakua: Naala dukaraka bilanganna nabi tu Saul?

1 SAMUEL 10:6

La Narampoiko PenaanNa PUANG, anna tiakka’ penaammu ma’nubua’ sola tau iato mai sia la dipopendadiko to makalaen-laen.

1 SAMUEL 18:10

Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.

1 SAMUEL 19:18

Susito mallaimi lussu’ tu Daud anna rampo lako Samuel dio Rama, napokadanni tu mintu’ apa nagauranni Saul. Malemi sola Samuel natorro sola duai dio Nayot.

1 SAMUEL 19:20

Nasuami Saul tu ba’tu pira-pira tau male unnala Daud dio mai. Iatonna rampomo tu tau iato mai, natiromi tu kasirampunan nabi, marassan tiakka’ penaanna ma’nubua’, na Samuel bendan umpangului. Narampoimi PenaanNa Puang Matua tu mintu’ pesuanna Saul, naurungan tau iato mai tiakka’ duka penaanna ma’nubua’.

1 SAMUEL 19:22

Mangkato male kalenami tu Saul lako Rama; iatonna rampo lako bubun kapua dio Sekhu, mekutanami nakua: Umbara nanii tu Samuel sola Daud? Mebalimi tau nakua: Dio Nayot sikandappi’ Rama.