1 SAMUEL 19:20 - Sura' Madatu

²⁰ Nasuami Saul tu ba’tu pira-pira tau male unnala Daud dio mai. Iatonna rampomo tu tau iato mai, natiromi tu kasirampunan nabi, marassan tiakka’ penaanna ma’nubua’, na Samuel bendan umpangului. Narampoimi PenaanNa Puang Matua tu mintu’ pesuanna Saul, naurungan tau iato mai tiakka’ duka penaanna ma’nubua’.

1 SAMUEL 19:20 ပူးပေါင်းရင်းမြစ်များ

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

KADIBILANGAN 24:2

Iatonna bangunanni Bileam tu matanna, sia natiro tu to Israel ma’tenda unturu’ sukunna. Narampoimi PenaanNa Puang Matua.

YOHANES 7:32

Iatonna rangii to Farisi tu to buda sipa’kada-kada unnuleleanni tu iannato, umpokadai tu diona Yesu, nasuami pangulu to minaa sia to Farisi tu solana kumua anna tingkanNi.

1 KORINTUS 14:3

Apa iatu to ma’nubua’, umpokada kada napomelona tolino, sia umpokada pa’pakilala sia pa’pakatana.

1 SAMUEL 10:10

Iatonna rampomo sola duai lako Gibea, natammuimi kasirampunan nabi. Anna rampoi penaanNa Puang Matua, naurunganni tiakka’ penaanna ma’nubua’ dio lu tau iato mai.

1 SAMUEL 19:11

Nasuami Saul tu ba’tu pira-pira tau lako banuanna Daud, la ungkampai anna patei, ke masiangi dio mai; napaissannimi Mikhal, bainena Daud, tu apa iato lako Daud, nakua: Iake tae’i nabongi ia bangsiamote mulussuran kalemu, manassa masiang ammu dipatei.

1 SAMUEL 19:14

Iatonna suai Saul tu tau male unnala Daud, nakuami Mikhal: Masaki.

1 SAMUEL 19:19

Naparampomi tau lako Saul, kumua: Iatu Daud torromo dio Nayot sikandappi’ Rama.

1 SAMUEL 19:21

Naparampomi tau lako Saul tu iannato, anna suai ba’tu pira-pira to senga’, apa tiakka’ duka penaanna ma’nubua’. Nasua pole’omi tu ba’tu pira-pira tau tonna ma’pentallunnamo, apa tau iato mai tiakka’ duka penaanna ma’nubua’.