1 SAMUEL 19:10 - Sura' Madatu

¹⁰ Natobami Saul urrokki dokena tu Daud, kumua napasilinda’i rinding, apa nalempean Daud tu pangrokna Saul, naurungan tipentana’ tu dokena lako rinding. Anna mallai tu Daud ullussuran kalena tonna bongi iato.

1 SAMUEL 19:10 ပူးပေါင်းရင်းမြစ်များ

PA’PUDIAN 124:7

Iatu deatanta tilendok mana’pa butung to manuk-manuk. Lussu’ dio mai poyana to mamoya; ka’tu poya, anta lussu’!

PA’PUDIAN 18:17

Naulumi tu limanNa dao mai unnalana’, Nariu’na’ lan mai uai luang.

PA’PUDIAN 34:19

Iatu PUANG tang untoyangan to rantang buana sia ullendokanni tu to rosso penaanna.

PA’PUDIAN 37:32

Iatu to tang mekaaluk untuntun mata to malambu’, sia undaka’ lalan la umpatei.

SARAMBU PEADA’ 1:16

belanna iatu lette’na tau iato mai ma’dondo lako kakadakean sia matira’ la umpatibollo rara.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YESAYA 54:17

Mintu’ tu pa’buno digaraga la unneako, tae’ anna la lolo’ sia mintu’ lila unneako lan inan pa’paolaian salu, la musau’. Iamote tu taa mana’na mintu’ taunNa PUANG, sia patu borongna tau iato mai tu lu dio mai Kaleku, kadanNa PUANG.

HOSEA 6:4

Apara tu la Kugaurangko, e Efraim? Apara tu la Kugaurangko, e Yehuda? Belanna iatu kamamalirammu susi bang gaun melambi’ sia susi damo’ tu pa’de, ke mane berre’i allo.

MATIUS 10:23

Ianna pakario-riokomi tau lan misa’ kota, mallaikomi lako kota senga’, belanna tonganna tongan Kukua mati’, kumua tae’ naupu’ misalongi tu mintu’ kota Israel, ke tae’i nasae tu Anak rampan dilino.

LUKAS 4:30

Apa Naruang tangnga bang tu tau Namale.

YOHANES 10:39

La morai pole’omi untingkanNi, apa tilendok dio mai limanna tau iato mai.

IBRANI 11:34

umpapa’de kamasarrangan api, ullendokan kalena dio mai mata pa’dang, malamma’ anna memmawatang, sia lalong lan kapararian, sia untalo russun mintu’ to pararinna uali naurunganni mallai.

1 SAMUEL 18:10

Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.

1 SAMUEL 18:11

Naayakammi Saul tu dokena anna ma’tangnga’ lan penaanna: Melo ke kurokki tu Daud natipentana’ lako rinding. Apa napasala Daud tu pangrokna sae lako ma’penduanna.

1 SAMUEL 19:6

Naperangiimi Saul tu kadanna Yonatan, anna umpalao sumpa, nakua: La lelukraka tuoNa PUANG, nala dipateira.

1 SAMUEL 20:33

Naayakammi Saul tu dokena la urrokki. Anna tandai Yonatan, kumua kalebumo penaanna ambe’na la umpatei tu Daud.