1 SAMUEL 19:1 - Sura' Madatu

¹ Ma’kadami Saul lako Yonatan, anakna, sia lako mintu’ to mase’ponna, kumua la umpatei Daud, apa iatu Yonatan, anakna Saul, siala tongan penaanna Daud.

1 SAMUEL 19:1 ပူးပေါင်းရင်းမြစ်များ

KADADIAN 37:18

Iatonna tiro mambelami sia iatonna tae’pa narampo lako sipa’kadami sola nasang undaka’ tangnga’ la umpatei.

2 SAMUEL 4:8

Nabaami tu ulunna Ishboset lako Daud dio Hebron anna ma’kada lako datu, nakua: Iamote tu ulunna Ishboset, anakna Saul, ualinna puangku, tu undaka’ lalan la umpateikomi, apa allo iate Nakamasei PUANG, tu puangku datu pepakkan lako Saul sia lako mintu’ tarrukna.

1 SAMUEL 18:1

Iatonna mangkamo tu Daud ma’kada lako Saul, la’ka’mi penaanna Yonatan lako Daud sia nakamasei Yonatan susi kalena.

1 SAMUEL 18:25

Ma’kadami Saul nakua: Pokadanni Daud te kada iate: Tae’ nakabarii bangi datu tu somba, podo ke kuli’ salepe’ kamuaneanna dukato Filistin saratu’ kumua anna papakkanni tu mai ualinna datu. Belanna natangnga’ Saul, kumua anna sanggangi to Filistin tu Daud.

1 SAMUEL 18:3

Sibassemi Yonatan tu Daud, belanna nakamasei susi kalena.

1 SAMUEL 18:8

Re’dekmi ara’na Saul sia tang naporai, anna tangnga’i lan penaanna: Daud naben tau iato mai ma’lampa-lampa, apa aku ma’sa’bu-sa’buri. Manassa ia duka tu kadatuan ia umpotaai undinna.

1 SAMUEL 18:9

Randuk allo iato mangimburu bang tu Saul untiroi tu Daud.

1 SAMUEL 19:2

Nakuami Yonatan lako Daud: Iatu ambe’ku Saul morai la umpongkoko; manikale’ kainga’i tu kalemu, maleko lako kabunianna, ammu membuni dio.

1 SAMUEL 20:1

Ta’kala mallaimi tu Daud dio mai Nayot sikandappi’ Rama, sae umpellambi’i Yonatan, nakua: Apara tu kupogau’ sia apara tu kakelokangku sia apara tu kasalangku dio olona ambe’mu, anna la ungka’turi tu sunga’ku?

1 SAMUEL 20:19

Apa duangbongi la madomi’ko sae ammu male lako to’ inan munii membuni tonna dadi tu iannato, mudio la’pek batu Haezel.