1 SAMUEL 18:8 - Sura' Madatu

⁸ Re’dekmi ara’na Saul sia tang naporai, anna tangnga’i lan penaanna: Daud naben tau iato mai ma’lampa-lampa, apa aku ma’sa’bu-sa’buri. Manassa ia duka tu kadatuan ia umpotaai undinna.

1 SAMUEL 18:8 ပူးပေါင်းရင်းမြစ်များ

KADADIAN 37:11

Nakemburumi siulu’na, apa iatu ambe’na napalan penaa bang tu iannato.

KADADIAN 37:8

Nakuami tu siulu’na lako: La mudatuirakannika ba’tu la muparentarakannika? Mandu pissanmi nakabiri’ belanna diona tu tindona sia iatu kadanna.

1 DATU 2:22

Mebalimi tu datu Salomo lako indo’na, nakua: Ma’apai anna Abisag manna, to Sunem, mipalakuan Adonia? Palakuan tarru’i te kadatuan, belanna kakangku, sia la ia la to minaa Abyatar la Yoab, anakna Zeruya.

ESTER 3:5

Iatonna tiromi Haman tu Mordekhai kumua tae’ namalinguntu’ sia tukku menomba dio olona, re’dekmi ara’na.

SARAMBU PEADA’ 13:10

Bannang dio kamatampoan anna bu’tu kasigagan, apa iatu to umperangii pa’patudu, unnampui kakinaan.

SARAMBU PEADA’ 27:4

Masarrang tu kare’dekan ara’na tau sia nakabu’ kasengkeanna, apa iatu kamangimburuanna minda la unnattai?

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

KADIBILANGAN 11:1

Den pissan ma’parapo’mi tu to buda dio pa’peranginNa PUANG diona kamandasanna. Iatonna rangii PUANG, re’dekmi tu ara’Na, nadukku tu api Naparampo PUANG dio lu tau iato mai sia umpamampu’ biring to’ tenda.

KADIBILANGAN 22:34

Ma’kadami tu Bileam lako Malaeka’Na PUANG, nakua: Kasalammo’, belanna tae’ kutandai, kumua Kamu tu bendan dio lalan unneana’, na totemo, iake kadakei dio pentiroMi, melo ke sulemo’.

YAKOBUS 4:5

Ba’tu misangaraka tae’ patunna tu dipokada lan Sura’ kamua: iatu penaa Napalan kaleta Nakamali’ Puang Matua, Naurunganni mangimburu?

1 SAMUEL 13:14

Apa totemo iatu kadatuammi tae’ nala masae lako. Mangkamo Nadakaran PUANG Kalena tu misa’ to naala penaanNa, sia tau iato la Naangka’ PUANG dadi arungna mintu’ taunNa, belanna tae’ midampangi tu pepasanNa PUANG lako kalemi.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 18:9

Randuk allo iato mangimburu bang tu Saul untiroi tu Daud.

1 SAMUEL 19:1

Ma’kadami Saul lako Yonatan, anakna, sia lako mintu’ to mase’ponna, kumua la umpatei Daud, apa iatu Yonatan, anakna Saul, siala tongan penaanna Daud.

1 SAMUEL 20:31

Belanna lan mintu’ allo katuoanna anakna Isai dao kuli’na padang, manassa iko sia katuoammu tang marendeng. Iamoto suai tau lao unnalai, anna baai lako kaleku, belanna manassa la dipatei.