1 SAMUEL 18:7 - Sura' Madatu

⁷ Iatu mintu’ baine ma’dandan sisonda-sonda menani, nakua: Napatei Saul massa’bu-sa’bu! Apa Daud ma’lampa-lampa!

1 SAMUEL 18:7 ပူးပေါင်းရင်းမြစ်များ

2 SAMUEL 18:3

Apa nakua tu mintu’ surodadu: Da natassu’ tu puang ussisolangkanni; belanna moi angki mallai nasang, tae’ nadampangi, ondongpi iake matekan sesena, tae’ duka nadampangi; sangadinna puangkiri tu pada sangpulo sa’bu taummi. Ondongpi totemo mandu melo ia, ke mitundui lankanni mai kota.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

2 SAMUEL 6:5

Iatu Daud sola mintu’ to Israel ma’marua’-rua’ dio oloNa PUANG, umpannoni ma’rupa-rupa (oni-onian) kayu sapuko, iamotu katapi, dandi, ganda’-ganda’, giring-giring sia taa’-taa’.

KATASSURAN 15:21

Natindokmi Miryam tu penanianna tau iato mai, nakua: Menanimokomi umpudi PUANG, belanna matande tongan tu kamala’biranNa; Napembuangan tu darang sia to ussakei tama tasik.

1 SAMUEL 21:11

Apa nakua tu mintu’ to mase’ponna Akhis lako datu: Tangiaraka te tu Daud, datunna tondok iato? Tae’raka na iamotu napa’dandanan tau, nakua: Napatei Saul massa’bu-sa’bu! Apa Daud ma’lampa-lampa!

1 SAMUEL 21:12

Natangnga’-tangnga’mi Daud tu mintu’ kada iate anna lendu’ mataku’na lako Akhis, datu Gat.

1 SAMUEL 29:5

Tang Daud iaraka te tu napopenanian tau a’ganna tonna ma’dandan sisonda-sonda menani, nakua: Napatei Saul massa’bu-sa’bu! Apa Daud ma’lampa-lampa?