1 SAMUEL 18:5 - Sura' Madatu

⁵ Ianna tassu’ male tu Daud, ke nasuaoi Saul, tontong bang patalo; iamoto anna angka’i Saul pangulu surodadu. Na iatu iannato naala penaanna to buda sia mintu’ to naala parea Saul.

1 SAMUEL 18:5 ပူးပေါင်းရင်းမြစ်များ

KADADIAN 39:23

Tae’ napasalai bangi mata pangulu pa’tarungkuan tu apa napoissan Yusuf, belanna narondong PUANG sia iatu apa napogau’ Napamaupa’ duka PUANG.

2 SAMUEL 5:10

Samasai-sainna sakerangngan-rangngannami tu kamala’biranna Daud, belanna PUANG, Kapenombanna mintu’ ma’dandan maritik, urrondongi.

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

2 OSSORANNA DATU 17:3

Narondong PUANG tu Yosafat, belanna unturu’ bang mintu’ bate lalan dolona Daud, nene’ to dolona; sia tae’ nadaka’i tu mintu’ Baal,

PA’PUDIAN 1:3

Belanna sangtinti ia kayu, ditanan dio to’ randan lalan uai, tu membua ke nalambi’mi attunna, sia tang malayu tu daunna, sia mintu’ tu mai napogau’na, umpabu’tuanni kameloan.

PA’PUDIAN 101:2

La kukaritutui tu kaleku unnola gau’ masallo’. Piranra amMi la rampo lako kaleku? La lolang ma’bulo lollongna’ lan banuangku.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

PENGGAURANNA RASULU’ 7:10

sia nalendokan dio mai mintu’ kamaparrisan anna benni pa’kamasean sia kakinaan dio olona Firaun, datu Mesir, tu unnalai pangulu dio mintu’ lili’na tana Mesir sia lan banuanna datu.

EFESUS 5:17

Iamoto, da mibaga, sangadinna la miissan umba tu pa’poraianNa Puang.

KOLOSE 4:5

Pa’pekitanangkomi kakinaammi lako to salian sia da’ mimatei tu attu melo.

TO PARENGNGE’ 1:19

Narondongmi PUANG tu Yehuda, iamoto naala nasangi tu mintu’ tondok ma’buntunna, apa tang naatta unnula’i tu tau dio padang marante, belanna tau iato unnampui kareta bassi parari.

1 SAMUEL 13:2

napileiammi Saul kalena tallungsa’bu tau dio mai to Israel; duangsa’bu tu sola Saul dio Mikhmas sia dao buntu Betel na sangsa’bu sola Yonatan dio Gibea lan lili’ Benyamin; na iatu senga’na nasua sule lako tendana.

1 SAMUEL 14:52

Lan mintu’ allo katuoanna Saul tae’ upu’na tu rari maparrang unnea to Filistin; iamoto anna rampunni Saul lako kalena tu mintu’ to barani sia lalong natiro.

1 SAMUEL 18:16

apa mintu’ to Israel sia to Yehuda ungkamali’ Daud, belanna lu lako lu dio mai dio tingayona tau iato mai.

1 SAMUEL 18:30

Ianna tassu’ tu mintu’ datu to Filistin, ke tassu’oi tu tau iato mai, inang Daud tu mandu maupa’ na iatu mintu’ taunna Saul, naurungan mandu dipakala’bi’ tu sanganna.

1 SAMUEL 18:4

Nalossokammi Yonatan tu bayu lamba’na nabenni Daud, susi dukato tu mintu’ pakeanna, sae lako pa’dangna sia panana sia salipi’na.

1 SAMUEL 18:6

Iatonna sulemo tu tau iato mai sola Daud, tonna mangka tu Daud untalo to Filistin iato, tassu’mi tu mintu’ baine lan mai mintu’ tondok to Israel, anna marran-marran menani untammui datu Saul, umpannoni ganda’-ganda’ sia ma’dandan sia unnarrak-arrak umpannoni giring-giring.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.