1 SAMUEL 18:27 - Sura' Madatu

²⁷ Iatonna tae’pa nalambi’i atunna, ke’de’mi tu Daud sola taunna, anna patei tu muane to Filistin dua ratu’, anna baai Daud tu mai kuli’ salepe’ kamuaneanna tau iato mai, namale tau umpennoloanni lako datu ganna’ bilanganna, kumua anna pomanintui datu. Naelorammi Saul tu Mikhal, anakna napobaine Daud.

1 SAMUEL 18:27 ပူးပေါင်းရင်းမြစ်များ

2 SAMUEL 3:13

Ma’kadami nakua: Melo, ke sibasseki’, apa den misa’ kutuntun lako kalemu: iamotu tae’ muma’din ussitiroanna’, ke tae’pi mupesuanni dolo ussolanni lako kaleku tu Mikhal, anakna baine Saul, mumane sae umpessitiroina’.

2 SAMUEL 3:14

Sia nasuapa Daud tu ba’tu pira-pira sumbungan puduk lako Ishboset, anakna Saul, nakua: Benna’ tu Mikhal, baineku, tu kulolongan belanna saratu’ kuli’ salepe’ kamuaneanna to Filistin.

TO PARENGNGE’ 14:19

Narampoimi PenaanNa PUANG tu Simson, anna male lako Askelon umpatei tallungpulo muane dio, naala nasangi tu mintu’ tamangkalena, anna benni tu pakean iato tu to untandai karrumena. Apa re’dek bang tu ara’na, iamoto nasule lako banuanna ambe’na.

1 SAMUEL 14:49

Iatu muane anakna Saul iamotu Yonatan sia Yiswi sia Malkisua na iatu anakna baine da’dua disanga Merab tu pa’bunga’na, na Mikhal tu tampakna.

1 SAMUEL 18:13

Iamoto napatoyangi Saul tu Daud, naangka’i pangulunna to sangsa’bu, naurunganni lu tama lu lan mai dio tingayona surodadu iato mai.

1 SAMUEL 18:17

Nakuami Saul lako Daud: Iatu anak pa’bunga’ku, disanga Merab, la kupasirampanangko kapa’, ke dadi dukako pia lalong dio kaleku sia ammu pogau’i tu rarinNa PUANG. Apa ma’tangnga’ Saul kumua: Da nalimangku umpata’pai, sangadinna limanna to Filistin.

1 SAMUEL 18:28

Susimoto nanii Saul ungkanassai sia unnissanni, kumua Narondong PUANG tu Daud. Iatu Mikhal, anakna Saul ungkamali’ Daud.

1 SAMUEL 25:44

Apa iatu Mikhal, anakna Saul, bainena Daud, napa’benganmo Saul napobaine Palti, anakna Lais, tu dio mai tondok Galim.