1 SAMUEL 18:16 - Sura' Madatu

¹⁶ apa mintu’ to Israel sia to Yehuda ungkamali’ Daud, belanna lu lako lu dio mai dio tingayona tau iato mai.

1 SAMUEL 18:16 ပူးပေါင်းရင်းမြစ်များ

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

1 DATU 3:7

Na totemo, o PUANG, Kapenombangku, Kamu Kalenamo unnangka’i datu te taumMi ussonda ambe’ku Daud, moi angku misa’ to mangura; tang kuissanpa tu torro ke’de’ku.

ESTER 10:3

Belanna iatu Mordekhai, to Yahudi, mendampi’ lako datu Ahasweros; sia mala’bi’ dio lu mintu’ to Yahudi sia budai tu mai siulu’na ungkamali’i, belanna undakaran kameloan bangsana sia umpokadai tu napomaupa’na mintu’ sangbangsana.

KADIBILANGAN 27:17

tu lu tama lu lan mai dio tingayona tau iato mai sia iatu ussolanni tassu’ sia ussolanni sule tu tau iato, kumua da nasusi to domba tae’ panglaana tu kasirampunanNa PUANG.

LUKAS 19:48

apa tae’ naappa’i tu la napogau’na belanna iatu to buda la’ka nasang penaanna lako Yesu, sia naperangii tu pangadaranNa.

LUKAS 20:19

Iatonna iato undaka’mi lalan tu mintu’na pandita Sura’ sia pangulu to minaa la undammakki tu Yesu, belanna natandai tu pa’pasusian iato, kumua gau’na narua, apa mataku’i lako to buda.

1 SAMUEL 18:13

Iamoto napatoyangi Saul tu Daud, naangka’i pangulunna to sangsa’bu, naurunganni lu tama lu lan mai dio tingayona surodadu iato mai.

1 SAMUEL 18:15

Iatonna tiromi Saul, kumua maupa’ tongan tu Daud, samataku’- taku’nami,

1 SAMUEL 18:5

Ianna tassu’ male tu Daud, ke nasuaoi Saul, tontong bang patalo; iamoto anna angka’i Saul pangulu surodadu. Na iatu iannato naala penaanna to buda sia mintu’ to naala parea Saul.