1 SAMUEL 18:14 - Sura' Madatu

¹⁴ Iatu Daud maupa’ dio lu mintu’ lalanna, belanna Narondong PUANG.

1 SAMUEL 18:14 ပူးပေါင်းရင်းမြစ်များ

KADADIAN 39:23

Tae’ napasalai bangi mata pangulu pa’tarungkuan tu apa napoissan Yusuf, belanna narondong PUANG sia iatu apa napogau’ Napamaupa’ duka PUANG.

2 SAMUEL 5:10

Samasai-sainna sakerangngan-rangngannami tu kamala’biranna Daud, belanna PUANG, Kapenombanna mintu’ ma’dandan maritik, urrondongi.

2 DATU 18:7

Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

1 OSSORANNA DATU 18:13

Sia napao’ko’i pa’kampan surodadu tu tondok Edom, naurungan mengkanorong nasang tu mintu’ to Edom lako Daud. Nakamasei PUANG, kapataloan tu Daud umba-umba tu nanii male.

1 OSSORANNA DATU 18:6

Mangkato napao’ko’imi Daud (pa’kampan surodadu) lan tu ba’tu pira-pira tondok dio Aram, lili’na Damsyik, anna mengkanorong tu to Aram lako Daud sia umbaya’ sima. Susimoto tu PUANG ungkamasei kapataloan tu Daud, umba-umba nanii male.

2 OSSORANNA DATU 17:3

Narondong PUANG tu Yosafat, belanna unturu’ bang mintu’ bate lalan dolona Daud, nene’ to dolona; sia tae’ nadaka’i tu mintu’ Baal,

PA’PUDIAN 101:2

La kukaritutui tu kaleku unnola gau’ masallo’. Piranra amMi la rampo lako kaleku? La lolang ma’bulo lollongna’ lan banuangku.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

PENGGAURANNA RASULU’ 18:10

Belanna Aku urrondongko, na moi misa’ tau tae’ la umpata’paiko lima anna bala’-bala’ko; belanna buda taungKu lan te tondok iate.

YOSUA 6:27

Narondongmi PUANG tu Yosua sia kalelean tu sanganna lan lu mintu’ tondok.

TO PARENGNGE’ 1:19

Narondongmi PUANG tu Yehuda, iamoto naala nasangi tu mintu’ tondok ma’buntunna, apa tang naatta unnula’i tu tau dio padang marante, belanna tau iato unnampui kareta bassi parari.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 18:15

Iatonna tiromi Saul, kumua maupa’ tongan tu Daud, samataku’- taku’nami,

1 SAMUEL 19:8

Undinna pole’oto dadiomi kasirarian, natassu’ tu Daud sirari to Filistin, natalo kapuai tu tau iato mai, naurungan simallaian dio mai tingayona.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.