1 SAMUEL 18:12 - Sura' Madatu

¹² Nakataku’mi Saul tu Daud, belanna Narondong ia PUANG, natoyangmo tu Puang dio mai Saul.

1 SAMUEL 18:12 ပူးပေါင်းရင်းမြစ်များ

2 SAMUEL 5:10

Samasai-sainna sakerangngan-rangngannami tu kamala’biranna Daud, belanna PUANG, Kapenombanna mintu’ ma’dandan maritik, urrondongi.

2 OSSORANNA DATU 17:3

Narondong PUANG tu Yosafat, belanna unturu’ bang mintu’ bate lalan dolona Daud, nene’ to dolona; sia tae’ nadaka’i tu mintu’ Baal,

PA’PUDIAN 51:11

Pasalaimi matamMi tu mintu’ kasalangku, sia pa’deimi tu mintu’ kakadakeangku.

PA’PUDIAN 53:5

Tae’raka kapaissananna tu mintu’ to ma’gau’ kadake, tu unnimbakan taungKu butung ungkande bo’bo’? sia tae’ nameongli’ lako Puang Matua.

HOSEA 9:12

Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MARKUS 6:20

Belanna mataku’ tu Herodes lako Yohanes, apa naissan: iamo misa’ to malambu’ sia masallo’, napangeai bangmi; sia pembuda ke urrangii pangadaranna Yohanes, pussakmi penaanna, apa moi susito naporai duka umperangii.

LUKAS 8:37

Napalaku nasangmi tau dio tondok Gerasa lako Yesu, kumua, anNa toyang-toyang dio mai kalena, belanna budamo kamatakuranna sola nasang. Malemi tu Yesu rokko lembang, Namale sule.

PENGGAURANNA RASULU’ 24:25

Apa iatonna uleleanni Paulus tu diona kamalamburan sia diona kauntaloian kale sia iatu kadipaolaian salu, mataku’mi tu Feliks, nama’kada nakua: Da’ito laomoko, nadennopa palambi’ku kutambaiko.

PENGGAURANNA RASULU’ 7:9

Apa mangimburu tu nene’ to dolota lako Yusuf anna balukanni lako Mesir, anNa rondongi Puang Matua,

TO PARENGNGE’ 1:19

Narondongmi PUANG tu Yehuda, iamoto naala nasangi tu mintu’ tondok ma’buntunna, apa tang naatta unnula’i tu tau dio padang marante, belanna tau iato unnampui kareta bassi parari.

TO PARENGNGE’ 16:20

Ma’kadami tu Delila lako nakua: E Simson, nalaoimokomi to Filistin! Pana’dingmi sia ma’tangnga’ nakua: Susito lendu’na la tassu’na’ sia ussintakna’ kaleku; apa tae’pa natandai kumua soro’mo tu PUANG dio mai kalena.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?

1 SAMUEL 18:15

Iatonna tiromi Saul, kumua maupa’ tongan tu Daud, samataku’- taku’nami,

1 SAMUEL 18:20

Apa iatu Mikhal, anakna Saul ungkabudai Daud. Iatonna parampoi tau lako Saul tu iannato, nakalo’mi penaanna.

1 SAMUEL 18:29

Iamoto nasamataku’-taku’na pissan tu Saul lako Daud. Naurungan napouali Saul tu Daud lan mintu’ katuoanna.

1 SAMUEL 20:13

Nasanggangmira PUANG tu Yonatan sia la Narangngannipa, ianna pamanassami ambe’ku la ungkadakeiko, manassa la kupokadan buniko, angku rampanangko male, ammu ke’de’ marampa’. Na PUANGmora urrondongko susi tonna rondong ambe’ku dolona.

1 SAMUEL 22:13

Nakuami Saul lako: Ma’apai ammi sanginaa sola nasang la unneana’, la kamu, la anak Isai, miurungan umbenni roti sia pa’dang sia mipekutanan lako Puang Matua tu a’ganna, kumua anna balina’ sia untobanganna’, susite totemo.

1 SAMUEL 28:15

Nakuami Samuel lako Saul: Ma’apai mirosona’ sia mipamalimbangunna’? Nakuami Saul: Pussak maro’mo’, belanna sirarimo’ to Filistin na iatu Puang Matua toyangmo dio mai kaleku, tae’mo Napebaliina’, la tete dio pudukna nabi ba’tu tindo; iamoto angku tambaikomi, ammi pokadanna’ apa tu sipatu la kupogau’.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.