1 SAMUEL 18:10 - Sura' Madatu

¹⁰ Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.

1 SAMUEL 18:10 ပူးပေါင်းရင်းမြစ်များ

1 DATU 18:29

Iatonna lendu’ ma’tangngamo allo, marukkami kandeatan sae lako attu dinii memala’ bongi, apa tae’ tu gamara, sia moi misa’ tau tae’ duka mebali ba’tu umpalanni penaa.

1 DATU 22:12

Susi dukato tu mintu’ nabi ma’nubua’ nakua: Melo ke ke’de’komi lako Ramot, lili’na Gilead, sia la maupa’komi, belanna la Nasorong PUANG tu kota iato tama limanna datu.

YEREMIA 28:11

Ma’kadami tu Hananya dio tingayona mintu’ to buda iato, nakua: Inde sia tu kadanNa PUANG, Nakua: La Kusanggang susi dukato tu ayokana Nebukadnezar, datu Babel, dao mai sokkongna mintu’ bangsa, ke tae’pi naganna’ duang taun. Malemo tu nabi Yeremia.

PENGGAURANNA RASULU’ 16:16

Denmi pissan tongki lao lako to’ inan nanii tau massambayang, sitammumokan misa’ kaunan baine, to ma’deata pakita-kita, kesaro la’da’ tonganmo tu puangna diona pakita-kitanna.

2 TESALONIKA 2:11

Iamo bannangnato anNa pasaeanni Puang Matua tu kuasa ma’papusa, naurunganmi umpatonganni tu kamo’rangan,

TO PARENGNGE’ 16:20

Ma’kadami tu Delila lako nakua: E Simson, nalaoimokomi to Filistin! Pana’dingmi sia ma’tangnga’ nakua: Susito lendu’na la tassu’na’ sia ussintakna’ kaleku; apa tae’pa natandai kumua soro’mo tu PUANG dio mai kalena.

1 SAMUEL 16:23

Na iake narampoimi penaa kadake lu dio mai Puang Matua tu Saul naalaomi Daud tu katapinna, anna pannoni, anna maringngan nasa’ding tu Saul; matanami anna toyang dio mai kalena tu penaa kadake.

1 SAMUEL 18:9

Randuk allo iato mangimburu bang tu Saul untiroi tu Daud.

1 SAMUEL 19:10

Natobami Saul urrokki dokena tu Daud, kumua napasilinda’i rinding, apa nalempean Daud tu pangrokna Saul, naurungan tipentana’ tu dokena lako rinding. Anna mallai tu Daud ullussuran kalena tonna bongi iato.

1 SAMUEL 19:7

Natambaimi Yonatan tu Daud, napokadanni mintu’ tu kada iato, anna solanni tu Daud lako Saul, anna pennoloi tu datu susi biasanna.

1 SAMUEL 19:9

Ta’kala natamaimi penaa kadake dio mai PUANG tu Saul tonna marassan unnisung lan tongkonan layukna sitoe doke na iatu Daud undedek katapinna.

1 SAMUEL 26:19

Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.