1 SAMUEL 17:7 - Sura' Madatu

⁷ Iatu pasoan dokena susi tandaan to ma’tannun sia iatu mata dokena annan ratu’ sikele’ bassi magasanna; sia den misa’ to ma’baa balulang dolo lumingka dio tingayona.

1 SAMUEL 17:7 ပူးပေါင်းရင်းမြစ်များ

2 SAMUEL 21:16

Denmi dio tu Yisbi-Benob, tarukna Rafa –, iatu magasanna dokena talluratu’ sikele’ tambaga anna ma’bayu kararran bassi ba’ru – la morai umpatei Daud.

2 SAMUEL 21:19

Sia den pole’omi kasirarian to Filistin dio Gob, anna patei Elhanan, anakna Yaare-Oregim, to dio mai Betlehem tu Goliat, to Gat; na iatu batang dokena sama tandaan to ma’tannun.

1 OSSORANNA DATU 11:23

Sia umpatei duka misa’ to Mesir, iamo misa’ muane tu limang siku langka’na; iatu to Mesir untoe doke pada tandaan; apa ia manna tu tekken napake ullaoi, nasintakki tu doke lan mai limanna to Mesir, nadoke iato napateanni.

1 OSSORANNA DATU 20:5

Undinnato sirari pole’omi to Filistin, napateimi Elhanan, anakna Yair, tu Lahmi, siulu’na Goliat, to Gat; na iatu batang dokena sama tandaan to ma’tannun.

1 SAMUEL 17:41

Saemi tu to Filistin umpengkareke’i Daud sia iatu to umbanni balulangna dolomo dio tingayona.