1 SAMUEL 17:53 - Sura' Madatu

⁵³ Mangkato tibalikmi tu to Israel unnula’ manuk-manukki tu to Filistin, anna pangrampai tu to’ tenda surodadunna.

1 SAMUEL 17:53 ပူးပေါင်းရင်းမြစ်များ

2 SAMUEL 23:10

Ke’de’mi anna ba’tai tu to Filistin, naurungan mengkata’ka’mo tu limanna, sia iatu pala’ limanna la’ka’ bangmo dio pa’dangna. Napadenammi PUANG misa’ kapataloan kapua allo iato. Na iatu to buda sule pole’mo unturu’i, la mangrampa mannamo.

YEREMIA 30:16

Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.

YEREMIA 4:20

Dennoi kasanggangan napetambanoi tau, ondongpi mintu’ padang mangsanmo; tae’ nadikapang anna disanggang tu mintu’ tendaku, sia lan sangpekkappidian matari tu sambo tendaku.

1 SAMUEL 17:52

Ta’pa ke’de’ nasangmi tu mintu’ to Israel sia to Yehuda, anna unnarrak-arrak unnula’ to Filistin lu lako Gat sia babangan Ekron. Na iatu mintu’ to Filistin dimangsanni siapanan dio lu lalan lu lako Saaraim sae lako Gat sia Ekron.

1 SAMUEL 17:54

Naalami Daud tu ulunna to Filistin iato, nabaai lako Yerusalem, apa iatu mintu’ pa’bunona napalan tendana.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?