1 SAMUEL 17:52 - Sura' Madatu

⁵² Ta’pa ke’de’ nasangmi tu mintu’ to Israel sia to Yehuda, anna unnarrak-arrak unnula’ to Filistin lu lako Gat sia babangan Ekron. Na iatu mintu’ to Filistin dimangsanni siapanan dio lu lalan lu lako Saaraim sae lako Gat sia Ekron.

1 SAMUEL 17:52 ပူးပေါင်းရင်းမြစ်များ

2 SAMUEL 23:10

Ke’de’mi anna ba’tai tu to Filistin, naurungan mengkata’ka’mo tu limanna, sia iatu pala’ limanna la’ka’ bangmo dio pa’dangna. Napadenammi PUANG misa’ kapataloan kapua allo iato. Na iatu to buda sule pole’mo unturu’i, la mangrampa mannamo.

1 DATU 20:21

Tassu’mi tu datu to Israel anna sanggangi tu ba’tu pira-pira darang sia kareta, sia papatean tongan dio lu to Aram.

YOSUA 15:11

Iatu anggenna tassu’ ma’palurekke sae lako buntu mennaa’na Ekron; namane tilekko lako Sikron, tarru’ lako buntunna Baala, sia tarru’ sae lako Yabneel; na iatu tampak katonanna sae lako tasik rampe matampu’.

TO PARENGNGE’ 7:23

Attu iato ditambaimi sirampun tu mintu’ to Israel dio mai Naftali sia dio mai Asyer sia dio mai mintu’ Manasye, anna undi unnula’i tu to Midian.

1 SAMUEL 17:53

Mangkato tibalikmi tu to Israel unnula’ manuk-manukki tu to Filistin, anna pangrampai tu to’ tenda surodadunna.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

1 SAMUEL 5:8

Iamoto anna ditambai ma’kombongan tu mintu’ arung kota to Filistin, anna ma’kada nakua: La tapatumbai tu pattinNa Kapenombanna to Israel? Mebalimi tu mintu’ arung nakua: Melo ke dipalelei tu pattinNa Kapenombanna to Israel, lako tondok Gat. Napalelemi tu pattinNa Kapenombanna to Israel.