1 SAMUEL 17:46 - Sura' Madatu

⁴⁶ Allo ia dukamote Nasorongko PUANG tama limangku, angku pateiko sia kupoloi tu ulummu, sia allo ia dukate kubenni manuk-manuk dao lu langi’ sia mintu’ olo’-olo’ dio lu padang tu batang rabukna to Filistin, anna issanni mintu’ issinna lino, kumua dio bangsa Israel den tu Puang Matua.

1 SAMUEL 17:46 ပူးပေါင်းရင်းမြစ်များ

KADADIAN 40:19

Tallung allopi naangka’i Firaun tu ulummi, anna toke’i tu batang kalemi dio to’ kayu namintu’ manuk-mauk la sae ungkandei tu duku’mi!

2 SAMUEL 18:28

Metambami tu Ahimaas lako datu nakua: Makarimman tu puangku! Saemi menomba lako datu tukku rokko padang, nakua: Mintu’ kadipudian lu lako PUANG, Kapenombammi, belanna nasorongmo tu mintu’ to pabali-bali lako puangku datu.

2 SAMUEL 21:10

Naalami Rizpa tu sampin karung nasamboanni kalena dao buntu batu randuk dio mai bunga’na pedalle sisikan sae lako nato’doinna uran dao mai langi’; tang naeloran tu tau iato mai narandan manuk-manuk dao langi’ ke allona sia olo’-olo’ masuru ke bonginna.

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 DATU 8:60

Anna issanni mintu’ bangsa dao kuli’na padang, kumua PUANGmo tu Kapenomban, tae’ senga’na,

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

2 DATU 5:15

Mangkato sulemi lako taunNa Puang Matua la ia la mintu’ to unturu’i. Iatonna rampomo, bendanmi dio tingayona sia ma’kada nakua: Tonganna, totemo kutandaimo, kumua lan mintu’ lino tae’ Puang Matua sangadinna dio manna lu bangsa Israel. Tarimami te pa’kamasean dio mai taummi.

PA’PUDIAN 31:8

La umpomela’tekna’ sia umpoparannu kamasokanamMi, belanna Mitiromo tu kamandasangku, sia Miissanmo tu kamaparrisanna deatangku.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

YESAYA 56:9

E mintu’ olo’-olo’ dio lu padang sia mintu’ olo’-olo’ lan pangala’ tamman, maikomi kumande!

YEREMIA 19:7

Dio inan iate la Kunii undampai tu tangnga’na Yehuda sola Yerusalem; sia Aku la ullaoi pa’dang tu tau iato mai anna songka dio tingayona ualinna sia tete dio limanna mintu’ tau undaka’ lalan la umpatei, sia Aku la umbenni manuk-manuk dao lu langi’ sia olo’-olo’ dao kapadanganna tu batang rabukna la napopendurukan.

YEREMIA 34:20

Ondongpi la Kusorong tu tau iato mai tama limanna mintu’ ualinna sia mintu’ tau undaka’ lalan la umpatei sia iatu batang rabukna la napopendurukan mintu’ manuk-manuk dao langi’ sia olo’-olo’ dao kapadanganna.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

MATIUS 24:28

Belanna umba-umba nanii batang rabuk, iamo nanii pa’duku’ sirampun.

PA’TOLE 28:26

Iatu batang rabukmu la napokande mintu’ manuk-manuk dao langi’ sia mintu’ olo’-olo’ dao kuli’na padang, namoi misa’ tau tae’ unnula’i.

PA’TOLE 7:2

sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

PA’TOLE 7:23

Susimoto iatu PUANG, Kapenombammu, la ussorongi tu tau iato mai lako kalemu sia la umpamaramba tonganni, sae lako mangsan tu tau iato.

YOSUA 10:8

Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.

YOSUA 4:24

kumua anna issanni mintu’ bangsa dao kuli’na padang tumbai mawatangna tu limanNa PUANG, anna kataku’i tau iato mai tu PUANG, Kapenombammi, lan mintu’ allo.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:44

Nakuami tu to Filistin iato lako Daud: Maimoko, angku benni manuk-manuk dao lu langi’ sia mintu’ olo’-olo’ dio lu padang tu duku’mu.