1 SAMUEL 17:4 - Sura' Madatu

⁴ Ta’kala sunmi lan mai tuntunan surodadu to Filistin misa’ pa’barani, disanga Goliat dio mai tondok Gat; iatu langka’na annan siku sangdangkan.

1 SAMUEL 17:4 ပူးပေါင်းရင်းမြစ်များ

1 OSSORANNA DATU 11:23

Sia umpatei duka misa’ to Mesir, iamo misa’ muane tu limang siku langka’na; iatu to Mesir untoe doke pada tandaan; apa ia manna tu tekken napake ullaoi, nasintakki tu doke lan mai limanna to Mesir, nadoke iato napateanni.

AMOS 2:9

Moi mangkamo Kusabu’i tu to Amori dio tingayona, moi anna pada lando kayu arasi’ sia pada buku kayu jati, ondongpi Kusabu’i tu buanna dao mai sia uaka’na diong mai.

PA’TOLE 3:11

Ia manna tu Og, datu Basan, tu to Refaim tampakna torro; manassa iatu mammaranna mammaran bassi; inang den dio Raba to Amon. Iatu kalandona kasera siku na iatu kalua’na a’pa’ siku situru’ suka’ siku biasa.

YOSUA 11:22

Moi misa’ tu to Enak tae’ bangmo torro lan lu tondok Israel, sangadinna dio mannamo Gaza sia dio Gat sia dio Asdod nanii torro.

1 SAMUEL 17:23

Tonna marassanpa sipa’kada tau iato mai, ta’kala sunmi lan mai tuntunan surodadu to Filistin tu pa’barani disanga Goliat, misa’ to Filistin dio mai tondok Gat. Anna pokadai tu mintu’ kada iato, naurungan narangi Daud.

1 SAMUEL 17:3

Bendanmi tu to Filistin dao tanete sambalinna lu na to Israel dao tanete indena mai, napetangngai tu lombok iato.

1 SAMUEL 17:5

Ma’songko’ tambaga sia ma’bayu kararran ma’sissik; iatu bayu kararranna limangsa’bu sikele’ tambaga timbanganna.

1 SAMUEL 27:4

Iatonna pokadami tau lako Saul tu diona Daud male lako Gat, natoreimi undaka’i.