1 SAMUEL 17:37 - Sura' Madatu

³⁷ Sia nakuapa Daud: Iatu PUANG, tu urrampananna’ dio mai kanuku singa sia dio mai kanuku beruang, Ia duka la urrampananna’ dio mai limanna to Filistin iatu. Ma’kadami Saul lako Daud: Malemoko, na PUANGmora urrondongko.

1 SAMUEL 17:37 ပူးပေါင်းရင်းမြစ်များ

2 SAMUEL 10:12

La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

1 OSSORANNA DATU 22:11

Ianna susito, na PUANGmora la urrondongko, ammu maupa’ umpabendan banuanNa PUANG, Kapenombammu, susitu mangka Napokada diona kalemu.

1 OSSORANNA DATU 22:16

iamotu mai pareanan bulaan, salaka, tambaga sia bassi. La muparandukmo mukarang! Na PUANGmora urrondongko.

PA’PUDIAN 11:1

Lu lakona pangala sengo. Pa’pudianna Daud. Lako manna PUANG kunii sande’! Ma’apai ammi kua lako deatangku: Mallaiko langngan padang ma’buntummu butung manuk-manuk?

PA’PUDIAN 118:6

PUANG urrondongna’, anna tae’ kula mataku’, la napatumbara’ tolino?

PA’PUDIAN 138:3

Iatongku meongli’, Mitananni siamo’ talinga, sia Mipabatta’ tu penaangku anna bantang.

PA’PUDIAN 63:7

Tongku kilalaiKomi diong dali’ patindoangku, sia maroyana’ untangnga’-tangnga’Komi.

PA’PUDIAN 77:11

Kukuami: Inde sia tu karossoangku, kumua iatu penggauran lima kananNa To patodoranna lelukmo.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

YOSUA 1:17

Susitu Musa kituru’, susi dukamoto tu kamu la kituru’; Narondongmorokomi PUANG, Kapenombammi, susi kaNarondonganna tu Musa.

RUT 2:4

Ta’kala saemi tu Boas dio mai Betlehem, nama’kada lako to massasa’ dalle sisikan, nakua: Narondongmorokomi PUANG! Mebalimi tu tau iato mai lako nakua: Napamasakke-sakkemorokomi PUANG!

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 17:38

Napapakeanmi Daud tu pakeanna Saul sia napasongko’i songko’ tambaga tu ulunna sia napapasangi bayu kararran.

1 SAMUEL 20:13

Nasanggangmira PUANG tu Yonatan sia la Narangngannipa, ianna pamanassami ambe’ku la ungkadakeiko, manassa la kupokadan buniko, angku rampanangko male, ammu ke’de’ marampa’. Na PUANGmora urrondongko susi tonna rondong ambe’ku dolona.

1 SAMUEL 24:19

Allo ia dukate munii umpa’pekitananni, kumua melo tongan tu mupogau’ lako kaleku, belanna Nasorongmo’ PUANG tama limammu, apa tae’ sia mupateina’.

1 SAMUEL 26:25

Nakuami Saul lako Daud: Musikambi’mora karongkosan, e anakku Daud; apa-apa tu mupogau’, la mupomaupa’. Mangkato malemi sule tu Daud, na iatu Saul sulemo lako inanna.

1 SAMUEL 7:12

Attu iato naalami Samuel tu batu misa’ napabendanni dio kasiallaranna Mizpa na Yesana sia nasangai Eben-Haezer, anna ma’kada nakua: Rampo indete Nanii PUANG untunduiki’.