1 SAMUEL 17:36 - Sura' Madatu

³⁶ Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 17:36 ပူးပေါင်းရင်းမြစ်များ

2 OSSORANNA DATU 32:17

Sia nasura’ tu misa’ sura’ tu nanii umbelle’i PUANG, Kapenombanna to Israel, sia napokada tu diona Puang nakua: Susi deatanna mintu’ bangsa lan lu tondok senga’ tae’ narampananni tu taunna lan mai kuasangku, susi dukato tu Kapenombanna Hizkia tae’ nala urrampanan taunNa lan mai kuasangku.

YESAYA 10:15

Denraka tu uase madongnga’ lako to umpemba’tanni? Denraka tu gare’ge’ matampo lako to ussorongi? Butung to pebamba umpopangayo to untoei; butung to tekken unnangka’i tu tangia kayu.

YESAYA 36:15

Sia da nanarankomi Hizkia la urrannuan PUANG, kumua: Manassa PUANG la ullendokangki’ sia iate kota tang la disorongan datu Asyur.

YESAYA 36:18

Da napapusakomi Hizkia, tu nakua: PUANG la ullendokangki’! Denraka tu deatanna mintu’ bangsa ungkullei ullendokan padangna dio mai kuasanna datu Asyur?

YEHEZKIEL 28:10

Manassa iatu kamateammu la susiko to tang disunna’i napatei to salian lembang, belanna Kupokadamo tu iannato, kadanNa Puangta PUANG.

YEHEZKIEL 32:19

Mindapara tu musau’ kamaballoan? Mengkalaomoko rokko ammu dipamatindo sola to tang disunna’i!

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

ZAKHARIA 12:3

Attu iato iatu Yerusalem la Kupadadi misa’ batu tu manassa la naangka’ mintu’ to sangpetayanan; apa mintu’ tu tau unnangka’i, manassa la nabangkei tongan tu kalena. Sia mintu’ bangsa lan te lino la sirampun ullilingi.

ZAKHARIA 2:8

Belanna, inde sia tu kadanNa PUANGna mintu’ ma’dandan maritik, tu kamala’biranNa ussuana’, diona mintu’ bangsa, tu mangka umpangrampaikomi – belanna minda-minda tu urrumbukomi, iamo urrumbu mata taunNa –,

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:10

Sia nakuapa tu to Filistin iato: Allo iate kuape tu mintu’ tuntunan surodadu to Israel: Pamaiammo’ misa’ muane angku situnggaran sirari.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?

1 SAMUEL 17:35

Malemo’ unnula’i sia kulonga’ angku sintakki tu domba iato lan mai sadangna; iatonna la ullumpa’ina’, kula’ka’imi tu danggo’na angku ombangi sia kupatei.

1 SAMUEL 17:37

Sia nakuapa Daud: Iatu PUANG, tu urrampananna’ dio mai kanuku singa sia dio mai kanuku beruang, Ia duka la urrampananna’ dio mai limanna to Filistin iatu. Ma’kadami Saul lako Daud: Malemoko, na PUANGmora urrondongko.

1 SAMUEL 18:17

Nakuami Saul lako Daud: Iatu anak pa’bunga’ku, disanga Merab, la kupasirampanangko kapa’, ke dadi dukako pia lalong dio kaleku sia ammu pogau’i tu rarinNa PUANG. Apa ma’tangnga’ Saul kumua: Da nalimangku umpata’pai, sangadinna limanna to Filistin.

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.