1 SAMUEL 17:34 - Sura' Madatu

³⁴ Apa ma’kada Daud lako Saul, nakua: Biasana’ ungkambi’ dombana ambe’ku; den sipissan-pissan nasae tu singa sia beruang undammakki misa’ tu domba iato.

1 SAMUEL 17:34 ပူးပေါင်းရင်းမြစ်များ

KADADIAN 31:39

Iatu tang kulaainnamo tae’ angku patiroangkomi, sangadinna kusonda sia iatu dibokona ke kulla’i allo ba’tu mabongi mipasurungina’.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

2 SAMUEL 23:20

Sia iapa tu Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel; iamote tu umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

1 OSSORANNA DATU 11:22

Sia Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel, umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

PA’PUDIAN 143:5

Tilanta’mi lan ara’ku to allo mangka diboko’, angku timbang-timbangi tu mintu’ panggaragamMi, sia untangnga’-tangnga’ mintu’ lalan limamMi.

YEHEZKIEL 34:12

Susi misa’ to mangkambi’ untiro baanan dombana, ke dioi lu tangnga domba tisambo’-sambo’na, la susi dukaNa’ to untiro dombaKu sia urrampananni dio mai mintu’ inan, tu nanii tisambo’ male tonna allo massalebu’ sia mapittuk.

AMOS 3:12

Inde sia tu kadanNa PUANG Nakua: Susi ke misa’ to manglaa unnalai da’dua buku bi’ti’ ba’tu sangira’ talinga lan mai sadang singa, susi dukato tu to Israel la dirampanan, iamotu to torro dio Samaria, tu unno’ko dao tetuk inan katindoan sia dao sambo malamma’na bale-bale.

ZAKHARIA 11:16

Belanna manassa la Kupadenan misa’ tu to mangkambi’ lan tondok, iamotu tang umparinaa apa la sanggang, tang undaka’ apa tisambo’, tang umpoinaa umpamondo apa bangke, tang ungkaritutui apa tang pakulle, sangadinna la ungkande duku’ olo’-olo’ malompo sia la nase’bu kanukunna.

ZAKHARIA 9:7

La Kupatoyang tu rara lan mai sadangna sia iatu apa megi’giran lan mai alla’ isinna sia ia duka tu torronapa la Napotau Kapenombanta, naurunganni butung to misa’ pangulu suku lan Yehuda, na iatu to Ekron la susito Yebus.

LUKAS 2:8

Lan lili’na tondok iato den ba’tu pira-pira to manglaa torro bang dio lu tangnga padang ungkampai sangtuntunan pangkambi’na kebongi.

YOHANES 10:11

Akumo tu to mangkambi’ masokan; iatu to mangkambi’ masokan ussorong penaanna ussondai tu mintu’ domba.

ROMA 5:4

na penaa kalebu umpabu’tu kabattaran penaa, na kabattaran penaa umpabu’tu kapa’rannuanan;

IBRANI 11:33

Bannang dio dukamora kapatonganan anna untalo ba’tu pira-pira parenta, umpogau’ kamaloloan, unnappa’i tu apa diallu’, ungkamummu’ sadang singa,

KADA OMBO’ LAKO RASULU’ YOHANES 13:2

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.

TO PARENGNGE’ 14:6

Apa Narampoi PenaanNa PUANG, naurungan ussapekki tu singa, susito ussapek anak bembe’ laki, moi natae’ bang apa lan limanna. Apa tae’ napaissanni ambe’na sia indo’na tu apa mangka napogau’.

1 SAMUEL 17:15

Iatu Daud sipissan-pissanri sule dio mai Saul male lako Betlehem ungkambi’i dombana ambe’na.

1 SAMUEL 17:33

Ma’kadami Saul lako Daud, nakua: Tang mukulle la lao sirari tu to Filistin iato, belanna to mangurapoko na inang anak rari ia tempon dio mai bitti’na.

1 SAMUEL 17:35

Malemo’ unnula’i sia kulonga’ angku sintakki tu domba iato lan mai sadangna; iatonna la ullumpa’ina’, kula’ka’imi tu danggo’na angku ombangi sia kupatei.