1 SAMUEL 17:32 - Sura' Madatu

³² Ma’kadami Daud lako Saul, nakua: Moi misa’ tau da naranggang penaanna belanna iatu to Filistin iato; na akumora, kaunanmi male sirari tu tau iato.

1 SAMUEL 17:32 ပူးပေါင်းရင်းမြစ်များ

PA’PUDIAN 3:6

Umbambanganna’ kaleku angku mamma’, angku millik sule, belanna PUANG urrande pala’na’.

YESAYA 35:4

Pokadanni tu to magiang penaanna kumua: Pabatta’i tu penaammi, da mimataku’! Manassa iatu Kapenombammi la sae ma’papakkanni, la sae umbaa pa’pabala’Na Puang Matua; la sae anNa rampanangkomi.

YESAYA 7:4

ammu kuanni kumua: Ma’penandakomi sia parapa’i tu penaammi; da mimataku’ sia da naranggang tu penaammi diona te da’dua lalotin merambu, iamora kare’dekanna kasengkeanna Rezin sola mintu’ to Aram sia anakna Remalya.

KADIBILANGAN 13:30

Attu iato napabatta’mi Kaleb tu bangsa iato dio olona Musa sia ma’kada nakua: Melo ke ke’de’ki’ lako, da tamataku’ sia la taala tapomana’i, belanna manassa la tatalo.

KADIBILANGAN 14:9

Sangadinna da mipabali-bali lako PUANG sia da mikataku’i tu pa’tondokan iato, belanna la tapokande, sia iatu ongan-onganna lendu’mo dio mai kalena sia PUANG tu ussisolangki’, da ammi kataku’i.

IBRANI 12:12

Iamoto angka’mi tu lima loe sia guntu’ matteng;

YOSUA 14:12

Iamoto benmo’ te padang ma’buntu, tu Napokada PUANG tonna allo iato, belanna mirangi kalenamo, kumua iatu to Enak dio sia ba’tu pira-pira kota kapua ditambakuku. Podo Narondongna’ PUANG, manassa kuula’ tu tau iato mai, susitu mangka Napokada PUANG.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 17:31

Lelemi tu kada napokada Daud, naparampoi tau lako Saul. Napesuammi Saul untambai.