1 SAMUEL 17:28 - Sura' Madatu

²⁸ Narangimi Eliab, kaka pa’bunga’na, tu apa napokada lako tau iato, iamoto anna re’dek ara’na lako Daud, anna ma’kada nakua: Ma’apari ammu saera inde te sia mindara mupa’tampei tu domba sidi’ dio padang pangallaran? Kuissanmo tu kabaraniammu sia kakadakeanna penaammu; iatu kasaeammu te, la morairoko untiro kasirarian.

1 SAMUEL 17:28 ပူးပေါင်းရင်းမြစ်များ

KADADIAN 37:11

Nakemburumi siulu’na, apa iatu ambe’na napalan penaa bang tu iannato.

KADADIAN 37:4

Tonna tiroi siulu’na, kumua mandu napakaboro’ ia ambe’na, na iatu mai siulu’na nasikabiri’imi, tae’ napa’kadai meloi lako.

KADADIAN 37:8

Nakuami tu siulu’na lako: La mudatuirakannika ba’tu la muparentarakannika? Mandu pissanmi nakabiri’ belanna diona tu tindona sia iatu kadanna.

2 OSSORANNA DATU 11:18

Napobainemi Rehabeam tu Mahalat, anakna Yerimot, anakna muane Daud, ma’indo’ Abihail, anakna Eliab, anakna muane Isai.

PA’PUDIAN 35:11

Bendanmo ba’tu pira-pira sa’bi bulituk, untanda’na’ diona apa tang kutamai.

SARAMBU PEADA’ 18:19

Iatu siulu’ tang taben katongananna tang tatamamo tu penaanna losong na iatu kota ditambakuku, sia iatu kasigagan susimo salli’ babangan benteng.

SARAMBU PEADA’ 27:4

Masarrang tu kare’dekan ara’na tau sia nakabu’ kasengkeanna, apa iatu kamangimburuanna minda la unnattai?

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

MATIUS 10:36

sia to nasiruranan la mendadi to nasisallangan.

MATIUS 27:18

Belanna naissanmo, kumua kamabirisanna tu tau anna sorongI.

MARKUS 3:21

Iatonna rangimi sangdadianNa tu iannato, sunmi la unnalai, belanna nakua: katama-taman.

YUDAS 1:10

Apa mintu’ tau iate ungkagi’gi’ apa tae’ natandai, sia apa natandai tu belanna inang a’gannamo susito panampa tang keinaa, na dionamora apa iato nanii sanggang tau iato mai.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 SAMUEL 17:29

Mebalimi Daud nakua: Apara salaku, anna mekutana bangra’?