1 SAMUEL 17:26 - Sura' Madatu

²⁶ Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?

1 SAMUEL 17:26 ပူးပေါင်းရင်းမြစ်များ

2 DATU 19:4

Lala sia manii Naperangii PUANG Kapenombammi, tu mintu’ kadanna kamandang lompo, tu nasua puangna, datu Asyur umparampoangki’, kumua anna be’sei tu Puang Matua matontongan, anna ukkungi Puang tu belanna kada iato Narangimo PUANG, Kapenombammi; melo ke mipassambayanganni tu to torrona siapa, tu denna siapa.

2 OSSORANNA DATU 32:17

Sia nasura’ tu misa’ sura’ tu nanii umbelle’i PUANG, Kapenombanna to Israel, sia napokada tu diona Puang nakua: Susi deatanna mintu’ bangsa lan lu tondok senga’ tae’ narampananni tu taunna lan mai kuasangku, susi dukato tu Kapenombanna Hizkia tae’ nala urrampanan taunNa lan mai kuasangku.

NEHEMIA 5:9

Ma’kadamo’ kukua: Tae’ namelo tu apa mipogau’. Tae’raka mila lolang ungkataku’ Kapenombanta, anta toyang dio mai pebe’sena to kapere’, ualinta?

PA’PUDIAN 44:13

Mibalukan maraa bang tu taumMi, sia tae’ Miposugi’i tu allinna.

PA’PUDIAN 74:18

O PUANG, kilalai tu diona uali untelleKomi, sia bangsa tae’ pa’inaanna untunai sangamMi.

PA’PUDIAN 79:12

Na lako bali lembangki papakkanni manglokkon pempitu tama rianna tu pebe’se mangka nabe’seangKomi, o Puang.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YEREMIA 9:25

Tonganna la sae tu allo, kadanNa PUANG, ke Kuukungi tu mintu’ to disunna’i, apa butungpa to tang disunna’i;

YEREMIA 9:26

iamotu Mesir sia Yehuda sia Edom sia to Amon sia Moab sia mintu’ tu to disoppo kurin, tu torro lan lu padang pangallaran, belanna mintu’ tu bangsa iato tae’ nadisunna’i, apa mintu’ bati’na to Israel iamotu tang disunna’i penaanna.

YEHEZKIEL 28:10

Manassa iatu kamateammu la susiko to tang disunna’i napatei to salian lembang, belanna Kupokadamo tu iannato, kadanNa Puangta PUANG.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

DANIEL 6:27

Dio mai kaleku dinii umpatassu’ parenta, kumua mintu’ tau lan mintu’ lili’na kadatuangku la magiang sia mataku’ lako Kapenombanna Daniel, belanna Iamo Puang Matua matontongan, tu tang leluk sae lakona; iatu kadatuanNa tang la sanggang sia iatu parentaNa tae’ katappuranna.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

YOËL 2:19

Mebalimi tu PUANG lako taunNa Nakua: Manassa la Kupasaeangkomi gandung, uai anggoro’ ba’ru sia minna’, ammi podia’i, sia tae’ lenmo Kula ussa’biangankomi natatta mintu’ bangsa.

PA’TOLE 5:26

Belanna mindaraka tolino tu urrangi gamaranNa Kapenomban matontongan lan mai tangnga to’ api, susite kita, anna tontong siapa tuo?

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

1 SAMUEL 11:2

Apa ma’kada tu Nahas, to Amon lako, nakua: Misa’ri kutuntun ke la sibasseki’, iamotu mata kananmi la kusu’be’i nasang; susimoto la kunii untodingi siri’ tu mintu’ to Israel.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:10

Sia nakuapa tu to Filistin iato: Allo iate kuape tu mintu’ tuntunan surodadu to Israel: Pamaiammo’ misa’ muane angku situnggaran sirari.

1 SAMUEL 17:30

Mentingo lakomi to senga’; umpekutananni tu kada ina’. Nabalimi tu tau iato mai susitu kada dolo.

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.