1 SAMUEL 17:24 - Sura' Madatu

²⁴ Iatonna tiromi mintu’ to Israel, mataku’ nasangmi nasorong boko’ dio mai tingayona.

1 SAMUEL 17:24 ပူးပေါင်းရင်းမြစ်များ

YESAYA 30:17

Sangsa’bu tau la mallai belanna pa’pakarrangna misa’ tau sia tete dio pa’pakarrangna lima tau la mallaikomi, miurunganni torro butung to misa’ tanda dao bottona buntu sia susi misa’ tombi dao tanete.

YESAYA 7:2

Tonna pokadami tau lako to lan banuanna Daud kumua: Nasamboimo Aram tu Efraim, ma’bara-barami tu penaanna datu sola mintu’ to kambanna, butung to kayu lan pangala’ nairi’ angin.

SURA’ KATOMINAAN 26:36

Sia la Kupaden tu kamatakuran lan penaammi tu mintu’komi tu torronapa lan tondokna ualinna, naurungan moi daun kayu rondon unnula’ tau iato, anna mallai, susito naula’ pa’dang, anna tibambang tang naula’ tau.

KADIBILANGAN 13:33

Sia kitiro duka dio tu to kalando kapua, iamotu bati’na Enak, tu sangbilangan to kalando kapua iato; na iatu kami susi bangkan to batik dio pentiroki sia dio pentirona tau iato mai.

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?

1 SAMUEL 17:11

Iatonna rangimi Saul sia mintu’ to Israel tu kadanna tinde to Filistin, tirambanmi sia lendu’ mataku’na.

1 SAMUEL 17:23

Tonna marassanpa sipa’kada tau iato mai, ta’kala sunmi lan mai tuntunan surodadu to Filistin tu pa’barani disanga Goliat, misa’ to Filistin dio mai tondok Gat. Anna pokadai tu mintu’ kada iato, naurungan narangi Daud.

1 SAMUEL 17:25

Ma’kadami tu misa’ to Israel, nakua: Mitiroraka tu to male lako tingayo? Ia sia namale lako tingayo to la unnape to Israel! Minda-minda umpatei la naben datu kasugiran kapua sia la naben anakna napobaine sia mintu’ sangdadianna tang dipopassima sia tang dipopa’jama.