1 SAMUEL 17:13 - Sura' Madatu

¹³ Iatu anakna Isai tallu tu kapuana malemo unturu’ Saul parari. Iato tallu anakna tu male parari, disanga Eliab tu pa’bunga’, ma’penduanna Abinadab na iatu ma’pentallunna Syama.

1 SAMUEL 17:13 ပူးပေါင်းရင်းမြစ်များ

2 SAMUEL 13:3

Apa iatu Amnon den sangmanena misa’, disanga Yonadab, anakna Simea, kakanna Daud; iatu Yonadab misa’ tau tarru’ malute.

2 SAMUEL 13:32

Mebalimi Yonadab, anakna Simea, kakanna datu, nakua: Da misangai kumua mintu’ tu anakmi mangka dipatei, sangadinna Amnon manna misa-misa tu mate, belanna iatu iannato ma’din ditiro dio lindona Absalom randuk dio mai allo dinii umpalaoi siri’na tu Tamar, adinna.

2 SAMUEL 21:21

Natapa’ tu to Israel, apa napatei Yonatan, anakna Simea, kakanna Daud.

1 OSSORANNA DATU 2:13

Isai undadian Eliab, pa’bunga’na, Abinadab, tu ma’penduanna, Simea, tu ma’pentallunna,

1 SAMUEL 17:28

Narangimi Eliab, kaka pa’bunga’na, tu apa napokada lako tau iato, iamoto anna re’dek ara’na lako Daud, anna ma’kada nakua: Ma’apari ammu saera inde te sia mindara mupa’tampei tu domba sidi’ dio padang pangallaran? Kuissanmo tu kabaraniammu sia kakadakeanna penaammu; iatu kasaeammu te, la morairoko untiro kasirarian.