1 SAMUEL 17:12 - Sura' Madatu

¹² Iatu Daud, iamo anakna misa’ to Efrata dio mai Betlehem lan lili’na Yehuda, disanga Isai, tu karua anakna muane; tonna linona Saul iamo misa’ to matua tu matessek tonganmo.

1 SAMUEL 17:12 ပူးပေါင်းရင်းမြစ်များ

KADADIAN 35:19

Susimoto tu kamateanna Rahel, dilamunmi dio randan lalan lako Efrata, iamotu Betlehem.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

PA’PUDIAN 132:6

Tarangimo tu karebanna dio Efrata, sia taappa’mo dio padang Yaar.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

MATIUS 1:6

Na Isai undadianni tu Daud, datu. Anna Daud undadian Salomo dio baine umbalui Uria;

MATIUS 2:1

Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

RUT 1:2

Iatu tau iato disanga Elimelekh, na iatu bainena disanga Naomi, na iatu anakna muane sola duai, disanga Mahlon na Kilyon, to Efrata dio mai Betlehem, lili’na Yehuda; rampomi tu tau iato mai lako padang marantena Moab, anna torro dio.

RUT 4:17

Nasangaimi baine sangbanuanna, nakua: Dadimo misa’ pia muane dio Naomi; nasangaimi tu pia iato Obed. Iamote tu ambe’na Isai, ambe’na Daud.

RUT 4:22

na Obed undadian Isai, na Isai undadian Daud.

1 SAMUEL 1:1

Denmi misa’ muane dio mai Ramataim-Zofim, iamotu dio mai buntu Efraim, disanga Elkana, anakna Yeroham, anakna Elihu, anakna Tohu, anakna Zuf, misa’ to Efraim.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 17:11

Iatonna rangimi Saul sia mintu’ to Israel tu kadanna tinde to Filistin, tirambanmi sia lendu’ mataku’na.

1 SAMUEL 17:58

Ma’kadami Saul lako, nakua: Mindaroko anak, e anakku? Mebalimi Daud nakua: Anaknana’ orangmi Isai, to Betlehem.