1 SAMUEL 17:11 - Sura' Madatu

¹¹ Iatonna rangimi Saul sia mintu’ to Israel tu kadanna tinde to Filistin, tirambanmi sia lendu’ mataku’na.

1 SAMUEL 17:11 ပူးပေါင်းရင်းမြစ်များ

PA’PUDIAN 118:6

PUANG urrondongna’, anna tae’ kula mataku’, la napatumbara’ tolino?

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

YESAYA 57:11

Namindara tu mukagiang sia mukataku’, ammu tang maruru’mo sia tae’mo muingaranNa’ sia umpalan penaai tu iannato? Iaraka tu masaiNa’ kappa, ammu tang ungkataku’moRa’?

PA’TOLE 31:8

Belanna PUANG Kalenamo la male undoloangko sia Iamo la musisolan. Tae’ Nala ussa’biangangko Puang sia tae’ Nala untampeko; da mumataku’ sia da mutiramban.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

1 SAMUEL 13:7

Den duka pira to Ibrani ullamban Yordan, anna male lako Gad sia Gilead, tonna torropa tu Saul dio Gilgal; iatu mintu’ to umbumbunni tu boko’na mataku’ sia ma’parondo.

1 SAMUEL 17:10

Sia nakuapa tu to Filistin iato: Allo iate kuape tu mintu’ tuntunan surodadu to Israel: Pamaiammo’ misa’ muane angku situnggaran sirari.

1 SAMUEL 17:12

Iatu Daud, iamo anakna misa’ to Efrata dio mai Betlehem lan lili’na Yehuda, disanga Isai, tu karua anakna muane; tonna linona Saul iamo misa’ to matua tu matessek tonganmo.

1 SAMUEL 21:13

Iamoto unna’ga bomboammi kalena dio tingayona tau iato mai sia susito bomboan masarrang tu kedona tonna la’ka’i tau, anna ma’gorri’-gorri’ lako ba’ba rapi’, napalembo’i tu elo’na rokko danggo’na.

1 SAMUEL 7:7

Iatonna rangimi to Filistin, kumua sirampun tu to Israel dio Mizpa, nalaoimi mintu’ arung kota to Filistin tu to Israel. Iatonna rangimi to Israel tu iannato, mataku’mi lako to Filistin.