1 SAMUEL 17:10 - Sura' Madatu

¹⁰ Sia nakuapa tu to Filistin iato: Allo iate kuape tu mintu’ tuntunan surodadu to Israel: Pamaiammo’ misa’ muane angku situnggaran sirari.

1 SAMUEL 17:10 ပူးပေါင်းရင်းမြစ်များ

2 SAMUEL 21:21

Natapa’ tu to Israel, apa napatei Yonatan, anakna Simea, kakanna Daud.

2 SAMUEL 23:9

Den pole’omi Eleazar, anakna Dodo, bati’na to Ahohi, iamo sangbilangan tu tallu pa’barani, iamo sisola Daud tonna ullo’bo to Filistin, tu sirampun dio la parari, na iatu to Israel sorong boko’mo.

2 DATU 19:4

Lala sia manii Naperangii PUANG Kapenombammi, tu mintu’ kadanna kamandang lompo, tu nasua puangna, datu Asyur umparampoangki’, kumua anna be’sei tu Puang Matua matontongan, anna ukkungi Puang tu belanna kada iato Narangimo PUANG, Kapenombammi; melo ke mipassambayanganni tu to torrona siapa, tu denna siapa.

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

YEREMIA 9:23

Inde sia tu kadanNa PUANG: Iatu to maluangan ba’tengna, da nasattuanni tu kamaluanganna sia iatu to matoto’ da nasattuanni tu kamatotoranna sia iatu to sugi’ da nasattuanni tu kasugiranna,

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

1 SAMUEL 17:11

Iatonna rangimi Saul sia mintu’ to Israel tu kadanna tinde to Filistin, tirambanmi sia lendu’ mataku’na.

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 17:45

Apa nakua Daud lako to Filistin iato: Iatu iko sae lako kaleku ma’pa’dang sia ma’doke sia ma’doke lambaran, apa aku te sae lako kalemu tete dio sanganNa PUANGna mintu’ ma’dandan maritik, iamotu Kapenombanna kaponan surodadu to Israel, tu muape-ape.