1 SAMUEL 17:1 - Sura' Madatu

¹ Narampunmi to Filistin tu mintu’ surodadunna la parari, nasirampun dio Sokho lan lili’na Yehuda, napabendanni tu tendana dio kasiallaranna Sokho na Azeka dio Efes-Damim.

1 SAMUEL 17:1 ပူးပေါင်းရင်းမြစ်များ

1 OSSORANNA DATU 11:13

Iamo sisola Daud dio Pas-Damim, tonna sirampun tu to Filistin inde to dio la parari. Denmi sanggori’ pa’lak dio nasitutu’i dalle sisikan, namallaimo tu surodadu naula’ to Filistin.

2 OSSORANNA DATU 11:7

Sia Bet-Zur sia Sokho sia Adulam,

2 OSSORANNA DATU 28:18

Sia iatu to Filistin ullaoi mintu’ kota dio Padang Merrantena sia Padang Rampe sau’ lan lili’na Yehuda; Natalomo tu Bet-Semes, Ayalon, Gederot, Sokho sia mintu’ tondok lan lili’na, Timna sia mintu’ tondok lan lili’na, Gomzo sia mintu’ tondok lan lili’na, anna pa’tondokki dio.

YEREMIA 34:7

tonna marassan tu surodaduanna datu Babel urrarii Yerusalem sia iatu mai kota Yehuda tu torronapa iamotu Lakhis sia Aseka, belanna ia mannamo te mai tu kota Yehuda ditambakuku tu torronapa.

YOSUA 15:35

Yarmut, Adulam, Sokho, Azeka,

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

1 SAMUEL 13:5

Iatu mintu’ to Filistin sirampunmo la sirari to Israel; iatu kareta pararinna den tallungsa’bu anna iatu pakkanarangna annan sa’bunna na iatu lumingkanna susito karangan dio biring tasik. Ke’de’mi tu tau iato mai sola nasang, anna pabendan tendana dio Mikhmas rampe matallona Bet-Awen.

1 SAMUEL 14:46

Sulemi tu Saul natorroimo unnula’ to Filistin, anna iatu to Filistin sule lako inanna.

1 SAMUEL 14:52

Lan mintu’ allo katuoanna Saul tae’ upu’na tu rari maparrang unnea to Filistin; iamoto anna rampunni Saul lako kalena tu mintu’ to barani sia lalong natiro.

1 SAMUEL 7:7

Iatonna rangimi to Filistin, kumua sirampun tu to Israel dio Mizpa, nalaoimi mintu’ arung kota to Filistin tu to Israel. Iatonna rangimi to Israel tu iannato, mataku’mi lako to Filistin.