1 SAMUEL 16:4 - Sura' Madatu

⁴ Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?

1 SAMUEL 16:4 ပူးပေါင်းရင်းမြစ်များ

KADADIAN 35:19

Susimoto tu kamateanna Rahel, dilamunmi dio randan lalan lako Efrata, iamotu Betlehem.

KADADIAN 48:7

Iatongku sae dio mai Padan mate diomi kaleku tu Rahel lan tana Kanaan dio tangnga lalan, tonna la madomi’mo rampo lako Efrata, kupeliangmi inde to dio lalan lu lako Efrata, iamo Betlehem.

2 SAMUEL 6:9

Attu iato mataku’mi tu Daud lako PUANG, naurunganni ma’kada nakua: Umba nakua nala rampoo tu pattinNa PUANG lako kaleku!

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 2:13

Saemi tu Adonia, anakna Hagit, mennolo lako Batsyeba, indo’na Salomo; mekutanami tu Batsyeba, nakua: Lantuk siaraka tu kasaeammu? Mebalimi nakua: Io, lantuk sia.

2 DATU 9:22

Iatonna tiromi Yoram tu Yehu, pakalan ma’kadami nakua: Salama’ siarokoka, Yehu? Mebalimi nakua: Umba la takua salama’, ke tontongpi tu gau’ salana Izebel, indo’mi sia mintu’ issan-issan makambanna?

HOSEA 11:10

Iatu tau iato mai la undi urrundu’ PUANG, la umburrung-burrung susi singa. Iake umburrungI, iatu mintu’ pia muane la sae dio mai rampe matampu’ sipa’parondoan.

HOSEA 6:5

Iamoto Kupasisikki kada tu tau iato mai nalopian mintu’ nabi, sia Kupongko kada sun dio pudukKu. Iatu ukungan urrampoikomi susi arrang melambi’.

LUKAS 2:4

Male dukami tu Yusuf dio mai Galilea, lan mai tondok Nazaret, lako tondok Yudea, tondokna Daud, disanga Betlehem, belanna bati’na sia tarukna Daud,

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 8:37

Napalaku nasangmi tau dio tondok Gerasa lako Yesu, kumua, anNa toyang-toyang dio mai kalena, belanna budamo kamatakuranna sola nasang. Malemi tu Yesu rokko lembang, Namale sule.

1 SAMUEL 21:1

Rampomi tu Daud lako Nob, lako to minaa Ahimelekh; saemi tu Ahimelekh ma’parondo untammui Daud, anna ma’kada nakua: Ma’apari nakamu manna misa-misa, tae’ tau misolan?