1 SAMUEL 16:2 - Sura' Madatu

² Apa nakua Samuel: Umba la kukua male? Iake narangii Saul, manassa napateina’. Nakuami PUANG: Baako misa’ anak sapi, ammu kuai: iate aku sae la memala’ lako PUANG.

1 SAMUEL 16:2 ပူးပေါင်းရင်းမြစ်များ

KATASSURAN 3:11

Ma’kadami tu Musa lako Puang Matua, nakua: Tau apara’ te, angku la umpennoloi Firaun sia la ussolan to Israel tassu’ lan mai tondok Mesir?

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

LUKAS 1:34

Ma’kadami tu Maria lako malaeka’: Umba nakua la dadi te, natae’ kukemuane?

1 SAMUEL 16:3

Sia la mutambai tu Isai lako to’ pemala’ iato, na Aku la umpokadangko tu apa sipatu la mupogau’ sia la mutokkoanNa’ minda-minda tu Kupokada lako kalemu.

1 SAMUEL 20:29

Nakua: Eloranna’ dikka’ male, belanna den pemala’ lan tondok napogau’ pa’rapuangki sia kakangku kalena umpasanna’, iamoto ke naala siana’ penaammi, eloranna’ angku male sitiro siulu’ku. Iamoto anna tae’ nama’dio ren lan te pa’maruasanna datu.

1 SAMUEL 9:12

Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.