1 SAMUEL 16:18 - Sura' Madatu

¹⁸ Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 16:18 ပူးပေါင်းရင်းမြစ်များ

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

KADADIAN 39:23

Tae’ napasalai bangi mata pangulu pa’tarungkuan tu apa napoissan Yusuf, belanna narondong PUANG sia iatu apa napogau’ Napamaupa’ duka PUANG.

2 SAMUEL 14:20

Iatu kara-kara iato disambenan susito, pa’pana’ta’na duka Yoab. Apa iatu puangku matarru’ susi misa’ malaeka’Na Puang Matua, naurunganni untandai tu mintu’na apa dadi dao kuli’na padang.

2 SAMUEL 17:10

Attu iato moi to barani, tu ma’penaa singa, manassa la raang penaanna, belanna natandai mintu’ to Israel, kumua iatu ambe’mi misa’ to lalong sia barani nasang tu mintu’ to nasolan.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

SARAMBU PEADA’ 12:8

Iatu tau dipangke’ sitinaya tangnga’ kinaanna, apa iatu to leko’ penaanna la dipamatuna.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 16:12

Nasuami tu tau untambai tama. Iatu pia muane iato mariri api beluakna sia me’lok matanna sia maballo rupanna. Ma’kadami tu PUANG, Nakua: Bendanko mubolloi, belanna iamote.

1 SAMUEL 16:17

Ma’kadami tu Saul lako mintu’ to mase’ponna: Melo ke midakaranna’ misa’ to manarang ma’katapi, ammi baai lako kaleku.

1 SAMUEL 16:19

Nasuami Saul tu ba’tu pira-pira pesua lako Isai, nakua: Suai tu anakmu lako kaleku, iamotu Daud, tu mangkambi’ domba.

1 SAMUEL 17:12

Iatu Daud, iamo anakna misa’ to Efrata dio mai Betlehem lan lili’na Yehuda, disanga Isai, tu karua anakna muane; tonna linona Saul iamo misa’ to matua tu matessek tonganmo.

1 SAMUEL 3:19

Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.