1 SAMUEL 16:12 - Sura' Madatu

¹² Nasuami tu tau untambai tama. Iatu pia muane iato mariri api beluakna sia me’lok matanna sia maballo rupanna. Ma’kadami tu PUANG, Nakua: Bendanko mubolloi, belanna iamote.

1 SAMUEL 16:12 ပူးပေါင်းရင်းမြစ်များ

KADADIAN 39:6

Mintu’ tu naampuinna nasorong tama limanna Yusuf, naurunganni tae’mo na ia umpoissan lenni sangadinna ia mannamo tu kande nakande lu rokko. Iatu Yusuf melo pa’kaleanna sia melo tu pantarisanna.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

2 SAMUEL 7:8

Iamoto la muparampoan taungKu Daud, kumua: Iamote tu kadanNa PUANGna mintu’ ma’dandan maritik: Kupaleleko dio mai to’ riu maluna dio mai to’ domba, la dadi arungna mintu’ taungKu, iamotu to Israel.

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 78:70

Naturo ta’ba tu Daud, taunNa, anNa sarakki lan mai bala domba:

KATASSURAN 2:2

Ma’tambukmi tu baine iato anna dadian pia muane. Iatonna tiroi kumua melo rupanna, nabunimi tallung bulan.

PA’TENDENG BALLO 5:10

– Iatu andi’ pa’kaboro’ku mabusa sia mararang rupanna, iatu rupanna ussau’ tau sangpulo sa’bunna.

BATING 4:7

Iatu mai arungna masero na ambun makko, sia mabusa anna bumbungan, pa’kaleanna mararang anna merdan, kalena susito batu parimata lasuri’.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

PENGGAURANNA RASULU’ 7:20

Attu iamoto nadadi tu Musa sia lendu’ melona pantarisanna, natallungbulan didaranai lan banuanna ambe’na.

IBRANI 11:23

Bannang dio dukamora kapatonganan anna iatu Musa tonna dadimo, nabunimi indo’ ambe’na tallung bulan, belanna natiro kumua iatu pia’-pia’ me’lok rupanna, tae’mi anna kataku’i tu parentana datu.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 17:42

Iatonna tiromi to Filistin langngan, napemarangami tu Daud, natunaimi, belanna piapa, mariri api beluakna sia melo pantarisanna.

1 SAMUEL 17:55

Tonna tiromi Saul tu Daud ma’palulako to Filistin iato, ma’kadami tu datu lako Abner, pa’baraninna, nakua: E! Abner, mindara anak te pia muane iate? Mebalimi Abner: O puang, kumatemora ke la kutandai.

1 SAMUEL 9:17

Iatonna tiromi Samuel tu Saul, saemi kadanNa PUANG lako kalena, Nakua: Iamote tu tau Kupokadangko; iamo la umparentai tu taungKu.