1 SAMUEL 15:26 - Sura' Madatu

²⁶ Apa mebali tu Samuel lako Saul nakua: Tae’ kula sule ussolangkomi, belanna mangkamo mitumpu tu kadanNa PUANG; anna tumpu dukakomi PUANG, kumua damo midatui to Israel.

1 SAMUEL 15:26 ပူးပေါင်းရင်းမြစ်များ

KADADIAN 42:38

Apa nakua tu Yakub: Iate anakku tae’ na la lao sola kamu, belanna iatu kakanna matemo na misa-misa mira totemo; iake matumba-tumbai lako lalan tu la miolainna, manassa la mipatama liang tu ubanku natumang kamapa’diranna penaangku.

2 SAMUEL 12:9

Ma’apai ammu tapa’ bangi tu kadanNa PUANG, ammu pogau’i tu apa kadake dio pentiroNa? Mupesuan umpatei pa’dang tu Uria, to Het, ammu pobainei tu bainena, sia kalena mupatei pa’dangna to Amon!

2 SAMUEL 7:15

Apa iatu kamakarimmanangKu tae’ nala sorong boko’ dio mai kalena, susitu mangkamo Kupasorong boko’ dio mai Saul, tu Kupatoyangmo dio mai tingayomu.

YEREMIA 6:19

Perangii, e lino, manassa iatu kasanggangan Kuparampoan bangsa iate iamotu buanna mintu’ tangnga’na, belanna tang naperangii tu kadangKu sia natampe tu Sukaran alukKu.

HOSEA 13:11

Kubenmoko misa’ datu situang kasengkeangKu sia Kuala pole’ situang kamagalliangKu.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

PENGGAURANNA RASULU’ 13:22

Iatonna sayumi Puang Matua, Napabendanan pole’mi tu Daud la napodatu; Napamanassami diona Daud, sia Nakua: Kukabu’tuimo tu Daud, anakna Isai, iamoto naala penaangKu, iamo la umpogau’ mintu’ pa’poraiangKu.

2 YOHANES 1:11

Belanna minda-minda umbenni passalama’, manassa natamai tu penggauran kadakena.

1 SAMUEL 13:14

Apa totemo iatu kadatuammi tae’ nala masae lako. Mangkamo Nadakaran PUANG Kalena tu misa’ to naala penaanNa, sia tau iato la Naangka’ PUANG dadi arungna mintu’ taunNa, belanna tae’ midampangi tu pepasanNa PUANG lako kalemi.

1 SAMUEL 15:23

Belanna iatu mengkailing pada bangsia kasalan ma’doti sia kamatampoan pada bangsia mekapuang lako deata sia kamenomban lako balo’ tau. Belanna mitumpumo tu kadanNa PUANG, iamoto Natumpu dukakomi Puang, kumua damo midadi datu.

1 SAMUEL 15:31

Sulemi tu Samuel undi unturu’ Saul, anna menomba tu Saul lako PUANG.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

1 SAMUEL 28:18

Belanna tae’ mituru’i tu kadanNa PUANG sia tae’ mipalaloi tu kasengkean maparrangna lako to Amalek, iamoto Naparampoikomi PUANG allo totemo, te iannate.