1 SAMUEL 15:24 - Sura' Madatu

²⁴ Nakuami Saul lako Samuel: Kasalammo’, belanna kutengkaimo tu parentaNa PUANG sia ia duka tu kadammi, apa mataku’na’i lako mintu’ tau, iamoto angku turu’i tu palakunna tau iato mai.

1 SAMUEL 15:24 ပူးပေါင်းရင်းမြစ်များ

KADADIAN 3:12

Mebali tu tolino: Napa te baine Miparondonganna’ tu umbenna’ bua kayu iato angku kandei.

KADADIAN 3:17

Ma’kadami Puang lako tolino: Belanna muperangiimo tu kadanna bainemu ammu kandei tu bua kayu Kupasanangko, kumua da mukandei, iamoto la narua tampak ropu te kuli’na padang mutumang, anna situangpi kamaparrisan angge tuomu mumane ungkandei tu burana.

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

AYUB 31:34

belanna ungkataku’na’ to buda, sia napatirambanna’ kadipamatunan dio mai to ma’rapu, kuurungan ma’pakappa sia tang tassu’ lan mai ba’ba!

PA’PUDIAN 51:4

Pemabaseina’ dio mai kakadakeangku sia seroi pindanna’ dio mai kasalangku.

KATASSURAN 10:16

Attu iato natikaraimi Firaun umpopetambai tu Musa sola Harun, nakuami: Kasalammo’ lako PUANG, Kapenombammi, sia lako duka kamu.

KATASSURAN 23:2

Da muturu’ bangi tu to buda umpogau’ kakadakean sia da mudadi sa’bi diona apa disikara-karai la unturu’ to buda umputa’-puta’i tu sukaran aluk.

KATASSURAN 9:27

Iatonna attu iato napopetambaimi Firaun tu Musa sia Harun, anna ma’kada lako nakua: Tonganna te allo iate kasalammo’; inang malambu’ tu PUANG, apa aku, sola mintu’ taungku to kadake gau’.

SARAMBU PEADA’ 29:25

Kamatakuran lako tau, iamo untananan poya kaleta, apa minda-minda tu umposande’ PUANG, mentilindung dio inan marampa’.

YEREMIA 38:5

Nakuami datu Zedekia: Tiromi, lan sia limammi, belanna aku, datu, tang kubela undampakomi.

KADIBILANGAN 22:34

Ma’kadami tu Bileam lako Malaeka’Na PUANG, nakua: Kasalammo’, belanna tae’ kutandai, kumua Kamu tu bendan dio lalan unneana’, na totemo, iake kadakei dio pentiroMi, melo ke sulemo’.

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

1 SAMUEL 15:15

Mebalimi Saul nakua: Nabaa tau dio mai to Amalek, belanna napatuo mintu’ to buda tu domba sia sapi me’lok, la napemalaran lako PUANG, Kapenombammi, apa iatu senga’na mangkamo kisabu’i butung pepayu.

1 SAMUEL 15:30

Nakuami Saul: Tonganna, kasalammo’, apa totemo kasiri’pa’ dikka’ dio olona mintu’ pekaamberanna bangsaku sia dio tingayona mintu’ to Israel. Maikomi, tasule sola. Angku menomba lako PUANG, Kapenombammi.

1 SAMUEL 15:9

Napatuomi Saul sola mintu’ to budanna tu Agag sia iatu mai domba sia sapi tu me’lokna sia tu melona, sia tu mintu’ anak domba, sia iatu mintu’ mandu keangga’na; manoka tu tau iato mai ussabu’i butung pepayu. Sangadinna mintu’ tu tang keangga’na sia kadakena nasabu’i.

1 SAMUEL 2:29

Ma’apai natae’ mudampangi tu pemala’ sia kande dipemalaran lako Kaleku, tu Kupepasanan la dipaden lan banuangKu, sia mupakala’bi’i tu anakmu losong na Aku, sia mipemalompoan kalemi tu mammi’na mintu’ kande napemalaran to Israel, taungKu.

1 SAMUEL 26:21

Nakuami Saul: Kasalammo’! Sulemoko, e anakku Daud, tae’mo kula umpogau’ kadake lako kalemu, belanna mupa’budai tongan tu katuoangku te allo iate. Manassa iatu penggaurangku baga tongan sia manduna’ pusa.