1 SAMUEL 15:22 - Sura' Madatu

²² Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

1 SAMUEL 15:22 ပူးပေါင်းရင်းမြစ်များ

KADADIAN 4:4

Ia duka tu Habel naala tu duku’ bembe’ sia domba pa’bunga’na sia lompona. Naalami penaanNa PUANG tu Habel sia iatu pemala’na.

KATASSURAN 19:5

Iamoto, iammi perangii tonganni tu kadangKu sia mikaritutui tu basseKu manassa dio mai mintu’ bangsa kamumo tu dadi mana’Ku, belanna mintu’ lipu daenan Aku puangna.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

TOMANGADA’ 5:1

Da mumadomi’ ma’kada sia da nasasai penaammu umpatassu’ kada dio oloNa Puang Matua; belanna lan Ia suruga tu Puang Matua, ammu dao iko kuli’na padang, iamoto la sidi’ri tu kadammu.

YEREMIA 11:4

tu Kupepasanan lako nene’ to dolomi to allo Kunii umpatassu’i lan mai tondok Mesir, lan mai dapo’ bassi, Kukua: Perangii tu gamarangKu sia pogau’i tu mintu’ apa tu Kupepasanan lako kalemi, ammi dadi taungKu anna Aku dadi Kapenombammi,

YEREMIA 11:7

Belanna Kutonganni tongan unnada’i tu nene’ to dolomi allo iato tongKu patassu’i tu tau iato mai lan mai tondok Mesir sae lako allo iate, ke makale’ sia ke karoen kumua: Perangii tu gamarangKu.

YEREMIA 26:13

Iamoto pemeloimi tu kedomi sia mintu’ penggaurammi, sia perangiimi tu kadanNa PUANG, Kapenombammi, anNa penassanni PUANG tu mintu’ kamandasan Napokada diona kamu.

HOSEA 6:6

Belanna nakalo’ penaangKu tu kamamaliran, tangia pemala’ pangrere’; sia kapaissanan diona Puang Matua, tangia pemala’ ditunu pu’pu’.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

MATIUS 12:7

Apa iake miissanmi battuananna te kada iate kumua: Kamamaseanri tu Kukamorai, tangia pemala’, manassa tae’ mipasalai tu to tang kasalan,

MATIUS 23:23

Upu’ allomi, e pandita Sura’ sia to belo puduk! Belanna ianna dipa’sangpulo tu kamangi sia salasi sia dintan, sangtaanna mipennoloan, apa mipasalai tu ma’iringanna lan Sukaran aluk, susinna tu katonganan sia kamamasean sia kamarurusan. Iari ia to tu sipatu dipogau’ sia iatu senga’na da duka nadipaboko’i penaa.

MATIUS 5:24

tampei tu pemala’mu dio to’ kapemalaran, mulao sitama siulu’mu dolo, mumane sule umpemalaranni tu pemala’mu.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

MARKUS 12:33

sia iatu ponno penaa sia mintu’ tangnga’ sia padami kamatotoran sae lako deata la ungkamali’ Puang Matua, sia ungkamasei padanta tolino, ondong ia to na iatu mintu’ pemala’ ditunu pu’pu’ sia pemala’ pangrere’.

1 SAMUEL 13:12

kutangnga’mi lan penaangku, kukua: Sattu’mora nasaemo to Filistin ullaoina’ dio Gilgal, natae’pa kupalakui lako PUANG, kumua anNa bura’moraki’ lindo masakke, iamoto angku pabarani tu kaleku umpemalaranni tu pemala’ ditunu pu’pu’.

1 SAMUEL 13:13

Ma’kadami tu Samuel lako Saul, nakua: Iate penggaurammi te kabagan tongan, belanna tae’ mituru’i tu pepasanNa PUANG, Kapenombammi, tu dipokadangkomi, belanna iatu tanan penaanNa PUANG, la morai umpatontongi totemo tu kadatuammi lako to Israel sae lakona.