1 SAMUEL 15:17 - Sura' Madatu

¹⁷ Nakuami Samuel: Tang susiraka to, kumua moi mibitti’ dio pentiromi, apa dipadadikomi pangulunna mintu’ to Israel sia Natokkokomi PUANG dadi datunna to Israel?

1 SAMUEL 15:17 ပူးပေါင်းရင်းမြစ်များ

HOSEA 13:1

Iake ma’kadai tu Efraim, tiramban tu tau, anna matande dio lu to Israel, apa natumang Baal, iamoto nakasalan, anna mate.

MATIUS 18:4

Iamoto, minda-minda tu umpamadiongan kalena susite pia’-pia’, iamo la madaoanna lan Parenta Suruga.

TO PARENGNGE’ 6:15

Ma’kadami tu Gideon lako, nakua: O Puang, apara la kupake la urrampananni tu to Israel? Manassa iatu pa’rapuangku iamo bitti’na lan suku Manasye na iatu aku te anak tampak dio to padadiangku.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 10:22

Mekutanaomi tu tau lako PUANG, nakua: Ba’tu saemi tu tau iato?, anNa balii PUANG, Nakua: Manassa membunimo lan lu to’ pareanan.

1 SAMUEL 15:16

Nakuami Samuel lako Saul: Kappakomi, angku pokadangkomi tu kadanNa PUANG, tu rampo lako kaleku sangmai’ bongi. Mebalimi Saul lako, nakua: Pokadami.

1 SAMUEL 9:21

Apa mebali tu Saul sia ma’kada, nakua: Tae’raka kumisa’ to Benyamin, tu bu’tu dio mai suku bitti’na to Israel? Sia iatu pa’rapuangku tang iamoraka madionganna dio mintu’ pa’rapuanna suku Benyamin? Ma’apai mima’kada susito lako kaleku?