1 SAMUEL 15:12 - Sura' Madatu

¹² Mangkato millik melambi’mi tu Samuel, namale sitammu Saul; napokadami tau lako Samuel, nakua: Rampomo tu Saul lako Karmel, anna osokan kalena misa’ batu dipotanda; iatonna sepang senga’mo, tarru’mi male rokko Gilgal.

1 SAMUEL 15:12 ပူးပေါင်းရင်းမြစ်များ

KADADIAN 21:14

Millikmi tu Abraham tonna melambi’, naalai tu roti na misa’ kiriba’ nanii uai lan, nabenni Hagar, napatoppo’i dao palempengna, naben dukai tinde pia, anna suai male. Malemi, anna pusa lan padang Bersyeba.

2 SAMUEL 18:18

Iatu Absalom tonna tuopa mangkamo unnala simbuang tu diong lombok Datu, napabendanan kalena, belanna nakua: Tae’ muane tu anakku, tu dinii ungkilalai sangangku. Nasangaimi sanga kalena tu simbuang iato; iamoto nasangai tau tu simbuang iato simbuangna Absalom sae lako allo iate.

2 SAMUEL 23:35

na Hezrai to Karmel; na Paerai to Arbi;

1 DATU 18:42

Malemi tu Ahab kumande sia mangiru’, apa iatu Elia male langngan botto Karmel, anna tukku rokko padang, lan alla’na guntu’na.

2 OSSORANNA DATU 26:10

Sia nabangun dukapa tu ba’tu pira-pira menara lan padang pangallaran sia buda bubun nabo’bok, belanna unnampui buda sapi sia domba na bembe’, la diong Padang Merrantena la dao Padang Rante membuntunna; sia to ma’pa’lakna sia to ma’pa’lak anggoro’na dao lu buntu sia dio lu padang malompo, belanna naporai datu tu lakoan padang.

YOSUA 15:55

Maon, Karmel, Zif, Yuta,

1 SAMUEL 13:12

kutangnga’mi lan penaangku, kukua: Sattu’mora nasaemo to Filistin ullaoina’ dio Gilgal, natae’pa kupalakui lako PUANG, kumua anNa bura’moraki’ lindo masakke, iamoto angku pabarani tu kaleku umpemalaranni tu pemala’ ditunu pu’pu’.

1 SAMUEL 13:15

Mangkato ke’de’mi tu Samuel dio mai Gilgal ma’palurekke Gibea lan lili’ Benyamin. Nabilangmi Saul tu mintu’ to torro siapa sola, denpa agi-agi annan ratu’.

1 SAMUEL 17:20

Melambi’ dio mai milikmi tu Daud natampeanni to mangkambi’ tu mintu’ domba, naalai tu apa iato mai, namale susitu napasan Isai lako kalena. Rampomi lako to’ tenda dikampai tonna tassu’ tu surodadu la ma’pampangan sia unnarrak-arrak la parari.

1 SAMUEL 25:2

Denmi dio Maon misa’ tau tu den pallaoanna dio Karmel. Iatu tau iato lendu’ ia sugi’na; unnampui domba tallungsa’bu sia bembe’ sangsa’bu; marassan unggontingi bulu dombana dio Karmel.

1 SAMUEL 7:12

Attu iato naalami Samuel tu batu misa’ napabendanni dio kasiallaranna Mizpa na Yesana sia nasangai Eben-Haezer, anna ma’kada nakua: Rampo indete Nanii PUANG untunduiki’.