1 SAMUEL 14:7 - Sura' Madatu

⁷ Mebalimi tu pa’takinna lako, nakua: Pogau’mi mintu’ tu naalanna penaammi; turu’ bangmi tu pa’poraiammi; angku undi duka ussisolangkomi umba-umba tu miporai miola.

1 SAMUEL 14:7 ပူးပေါင်းရင်းမြစ်များ

2 SAMUEL 15:15

Mebalimi tu taunna datu, nakua: Inaammi bang puang, sakka’mokan unturu’i.

2 SAMUEL 7:3

Mebalimi Natan lako datu, nakua: Melo ke mipalanda’i tu mintu’ tanan penaammi, belanna Narondongkomi PUANG.

PA’PUDIAN 46:7

Marukka’mi tu mintu’ bangsa sia tigega’ tu mintu’ parenta, sumarabami tu Puang, anna bonno’ tu lino.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

TO PARENGNGE’ 9:54

Natambaimi madomi’ tu taunna tu umbaa pa’bunona, anna ma’kada lako nakua: Nonokki tu pa’dangmu ammu pateina’, da napokadai tau tu diona aku kumua: misa’ baine mangka umpatei. Ta’pa natobokmi taunna, anna mate.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 14:8

Nakuami Yonatan: La lambanki’ lako tau iato, anta pa’petiroan kaleta lako.