1 SAMUEL 14:48 - Sura' Madatu

⁴⁸ Napalalongmi tu gau’na, nataloi tu to Amalek sia narampanan tu to Israel dio mai limanna mintu’ to umpangrampai.

1 SAMUEL 14:48 ပူးပေါင်းရင်းမြစ်များ

2 SAMUEL 1:22

Iake tae’i narara to dipatei ba’tu lompona to lalong, inang tae’ lenpa natibalik tu panana Yonatan, sia iatu pa’dangna Saul tae’ nasule lo’bang.

KATASSURAN 17:14

Ma’kadami PUANG lako Musa, Nakua: Sura’i te tama misa’ sura’, la dadi misa’ kapengkilalan la dinanna batu silambi’ sia patobangi tama talinga duanna Yosua te kada iate, kumua Aku la umputtai tu mintu’ kapengkilalan diona Amalek lan nasambo langi’.

KATASSURAN 17:8

Saemi tu to Amalek sirari to Israel dio Rafidim.

PA’TOLE 25:19

Iake Nabenmoko PUANG, Kapenombammu, kapelayoan dio mai mintu’ ualimmu tiku lao lan tondok, tu la Nabenko PUANG, Kapenombammu, la mupotaa mana’, attu iato la mupa’dei tu kapengkilalan lako Amalek tu nasambo langi’; da mukalupai.

TO PARENGNGE’ 2:16

Anna pake’de’i PUANG tu ba’tu pira-pira to parengnge’ tu ullendokan tau iato mai dio mai limanna to mangrampa.