1 SAMUEL 14:47 - Sura' Madatu

⁴⁷ Iatonna manda’ untoe kadatuan tu Saul dio to Israel, narariimi tu mintu’ ualinna tiku lao: Iamotu to Moab, sia to Amon, sia to Edom, sia mintu’ datu to Zoba sia to Filistin. Sia umba-umba tu nanii male parari, inde dukato nanii unnappa’ kapataloan.

1 SAMUEL 14:47 ပူးပေါင်းရင်းမြစ်များ

KADADIAN 19:37

Kianakmi tu kakanna undadian misa’ pia muane, nasangaimi Moab, iamo nanii bu’tu mintu’ to Moab sae lako totemo.

KADADIAN 19:38

Na iatu adinna undadian duka misa’ pia muane, nasangaimi Bin-Ami, iamo nanii bu’tu mintu’ to Amon sae lako totemo.

KADADIAN 36:1

Inde sia tu bati’na Esau, tu diganti Edom:

KADADIAN 36:19

Iamorate tu mintu’ muane bati’na Esau, tu diganti Edom sia iamote pangala tondokna tau iato mai.

KADADIAN 36:8

Iamoto anna torro tu Esau dio buntu Seir na iatu Esau, iamo diganti Edom.

2 SAMUEL 1:22

Iake tae’i narara to dipatei ba’tu lompona to lalong, inang tae’ lenpa natibalik tu panana Yonatan, sia iatu pa’dangna Saul tae’ nasule lo’bang.

2 SAMUEL 10:6

Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

2 SAMUEL 8:15

Iatonna datui Daud tu mintu’ to Israel, untoe katonganan sia kamaloloan lako mintu’ taunna.

2 SAMUEL 8:3

Sia natalo Daud tu Hadadezer, anakna Rehob, datu Zoba, tonna male umpasule kuasanna sae lako salu Efrat.

1 DATU 11:23

Napabangun polemi Puang Matua tu misa’ to umbali Salomo, iamotu Rezon, anakna Elyada, tu mallaimo dio mai puangna, dio mai Hadadezer, datu Zoba.

2 DATU 14:27

Apa tae’ duka Nama’kada PUANG, kumua la Naputtai tu sanganna to Israel lan nasambo langi’, iamoto Narampananni tu tau iato mai tete dio Yerobeam, anakna Yoas.

1 SAMUEL 12:2

Totemo, tiromi tu datu iato ullopiangkomi. Apa iatu aku te matuamo’ sia ubanammo’; iatu anakku muane da’dua iti’ sia misisolan; iatu aku randuk dio mai mangurangku ullopiangkomi sae lako allo iate.

1 SAMUEL 13:1

Iatu Saul pirang-pirang taunmo tonna randuk ma’parenta. Iatonna duang taunmo umparenta to Israel,

1 SAMUEL 14:46

Sulemi tu Saul natorroimo unnula’ to Filistin, anna iatu to Filistin sule lako inanna.

1 SAMUEL 14:52

Lan mintu’ allo katuoanna Saul tae’ upu’na tu rari maparrang unnea to Filistin; iamoto anna rampunni Saul lako kalena tu mintu’ to barani sia lalong natiro.

1 SAMUEL 21:7

Allo ia dukato den misa’ taunna Saul dio, tu marimbangan la menomba dio oloNa PUANG, disanga Doëg, misa’ to Edom, iamo pangulunna mintu’ to mangkambi’na Saul.