1 SAMUEL 14:45 - Sura' Madatu

⁴⁵ Apa mebali tu to buda lako Saul, nakua: Ma’dinraka la dipatei tu Yonatan, tu umpadenmo kapataloan kapua dio lu to Israel? Toyang mambela iato! La lelukrika tuoNa PUANG, anna la rondonra tu beluakna sanglamba’ dao mai ulunna rokko padang. Belanna diona pa’tunduanNa Puang Matua anna pogau’i tu mintu’ apa iato lan allo iate. Susimoto tu kanarampananna mintu’ tau tu Yonatan, naurunganni tae’ nadadi dipatei.

1 SAMUEL 14:45 ပူးပေါင်းရင်းမြစ်များ

2 SAMUEL 14:11

Nakuami tu baine iato: La mikilalai tu PUANG, Kapenombammi, da namandu liu ma’kasanggang tu to mangala puli sia da nasabu’i tau iato mai tu anakku. Ma’kadami datu nakua: La lelukraka tuoNa PUANG, moi sanglamba’ beluakna anakmu tae’ nala rondon rokko padang.

1 DATU 1:52

Ma’kadami tu Salomo nakua: Ianna maruru’ tu gau’na, moi sanglamba’ beluakna tae’ anna la ronno’ rokko padang, apa iake denni kakadakean lan penaanna, manassa la mate dipongko.

2 OSSORANNA DATU 19:11

Iatu Amarya, tominaa kapua, iamo pangulummi lan mintu’ kara-kara diona alukNa PUANG sia Sebaja, anakna Ismael, arungna suku Yehuda, lan mintu’ kara-kara diona atoranna datu, na to Lewi miala pareami. La lolangkomi umpabatta’ penaammi, anna PUANG urrondongi tu to bulo lollong.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

YESAYA 13:3

Mangkamo Kukuan tu mintu’ to marimbangangKu, sia Kutambai dukamo tu mintu’ pa’baraningKu la umpalalo kasengkeangKu, tu unnarrak-arrak belanna nasau penaanna.

MATIUS 10:30

Iatu kamu Natoe nasang dukamo iaranna tu beluak dao ulummi.

LUKAS 21:18

Apa moi sanglamba’ beluakmi tae’ nala matumba;

PENGGAURANNA RASULU’ 14:27

Iatonna sae lako, narampunmi tu to Sarani, nauleleananni tu mintu’ apa Napogau’ Puang Matua urrondongi sia kaNabungkaranna Puang Matua tu ba’ba kapatonganan lako to kapere’.

PENGGAURANNA RASULU’ 15:12

Sipa’loko-lokoan nasangmi tu to ma’kombongan, anna perangii tu Barnabas sola Paulus unnuleleanni tu mintu’ tanda kalle-kallean sia tanda mangnga Napaomboran to kapere’ Puang Matua napogau’ tinde tau sola duai.

PENGGAURANNA RASULU’ 21:19

Iatonna mangkamo ussalama’i tu tau, naulelean simisa’mi tu mintu’na Napaden Puang Matua urrondongi lan pengkaranganna dio lu to kapere’.

PENGGAURANNA RASULU’ 27:34

Iamoto kupalakui: kumandekomi, iari to tu la mipobatta’ lessu’ dio mai kasanggangan. Belanna tae’ sanglamba’ beluak la rondon dao mai ulunna misa’ duka tau te kamu sola nasang.

ROMA 15:18

Belanna tae’ kubarani umpokadai tu apa, sangadi iapi tu Napogau’na Kristus tu kusumbunganni, la umpadadi to menturu’ tu to kapere’, diona kada sia penggauran;

1 KORINTUS 3:9

Belanna kami tu Nasolan Puang Matua mengkarang, anna kamu tu pa’lak sia pa’bangunNa Puang Matua.

2 KORINTUS 6:1

Apa iatu kami pada mengkarangna, kipalaku duka lako kalemi, da ammi tarima tang keangga’i tu pa’kamaseanNa Puang Matua.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 19:14

Mintu’ ma’dandan maritik dao suruga umbaananni Puang ussakei darang busa’, ma’tamangkale kasa bussang sia mase’rok.

1 SAMUEL 11:13

Apa nakua Saul: Allo iate tae’ nama’din misa’ tau dipatei, belanna allo iate Napaden PUANG tu kadirampanan lako to Israel.

1 SAMUEL 14:23

Susimoto tu to Israel Narampanan PUANG allo iato. Tarru’ bang tu kasirarian iato sae lako nalendu’i tu Bet-Awen.

1 SAMUEL 14:46

Sulemi tu Saul natorroimo unnula’ to Filistin, anna iatu to Filistin sule lako inanna.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?