1 SAMUEL 14:41 - Sura' Madatu

⁴¹ Ma’kadami tu Saul lako PUANG, nakua: O Kapenombanna Israel, papayanni tu pangra’ta’ malolo. Yonatanmi sola Saul nakanna, anna tilendok tu to buda.

1 SAMUEL 14:41 ပူးပေါင်းရင်းမြစ်များ

SARAMBU PEADA’ 16:33

Iatu pa’ loterei dirogan-rogan diong bantanan, apa iatu ra’ta’na simisa’-misa’ lu dio mai PUANG.

SARAMBU PEADA’ 18:18

Iatu pa’loterei untorei kasigagan sia umpasisarak to paa.

YUNUS 1:7

Sipa’kada-kadami tu tau iato mai, nakua: Maikomi anta ma’loterei, anta issanni, kumua minda napobannang anna rampoiki’ te kasanggangan iate. Ma’lotereimi anna Yunus tu narua.

PENGGAURANNA RASULU’ 1:24

Massambayangmi tu tau nakua: O Puang, Kumumo tu unnissan penaanna mintu’ tau, pakitammokan umbanna Mipilei te tau sola duai,

PENGGAURANNA RASULU’ 1:26

Nabiangammi tinde tau sola duai, na Matias nakitanan; naalami bilangan rasulu’, sangbilangan tu tau sangpulo misa.

1 SAMUEL 14:40

Mangkato ma’kadami tu Saul lako mintu’ to Israel, nakua: Kamu sola nasang la ma’misa sangsese, anna aku sola anakku sangsese. Mebalimi tu to buda lako Saul, nakua: Pogau’mi tu misanganna melo dio pentiromi.

1 SAMUEL 14:42

Ma’kadami tu Saul, nakua: Biangikanni sola dua, aku anna anakku Yonatan. Yonatanmi nakanna.