1 SAMUEL 14:40 - Sura' Madatu

⁴⁰ Mangkato ma’kadami tu Saul lako mintu’ to Israel, nakua: Kamu sola nasang la ma’misa sangsese, anna aku sola anakku sangsese. Mebalimi tu to buda lako Saul, nakua: Pogau’mi tu misanganna melo dio pentiromi.

1 SAMUEL 14:40 ပူးပေါင်းရင်းမြစ်များ

2 SAMUEL 15:15

Mebalimi tu taunna datu, nakua: Inaammi bang puang, sakka’mokan unturu’i.

1 SAMUEL 1:23

Ma’kadami tu Elkana, muanena, lako nakua: Pogau’mi tu apa musanga melo, torromoko sae lako musarakkinna; na PUANGmora umpasundunni tu kadanNa. Torromi tu baine iato umpasusu anakna sae lako nasarakkinna.

1 SAMUEL 14:36

Mangkato ma’kadami Saul: Maikomi tamengkalao unnula’i tu to Filistin ke bongii sia tapangrampai sae lako berre’na allo sia da tapatorroi moi misa’ duka. Mebalimi tu tau iato mai, nakua: Pogau’mi tu mintu’na misanganna melo dio pentiromi. Apa nakua tu to minaa: Tamenomba lako Puang Matua indete.

1 SAMUEL 14:39

Belanna la lelukrika tuona PUANG, tu urrampanan to Israel, moi anna bu’tu dio anakku Yonatan tu kasalan, inang la dipatei. Moi misa’ tu mintu’ to buda tae’ umpebalii.

1 SAMUEL 14:41

Ma’kadami tu Saul lako PUANG, nakua: O Kapenombanna Israel, papayanni tu pangra’ta’ malolo. Yonatanmi sola Saul nakanna, anna tilendok tu to buda.

1 SAMUEL 14:7

Mebalimi tu pa’takinna lako, nakua: Pogau’mi mintu’ tu naalanna penaammi; turu’ bangmi tu pa’poraiammi; angku undi duka ussisolangkomi umba-umba tu miporai miola.