1 SAMUEL 14:39 - Sura' Madatu

³⁹ Belanna la lelukrika tuona PUANG, tu urrampanan to Israel, moi anna bu’tu dio anakku Yonatan tu kasalan, inang la dipatei. Moi misa’ tu mintu’ to buda tae’ umpebalii.

1 SAMUEL 14:39 ပူးပေါင်းရင်းမြစ်များ

2 SAMUEL 12:5

Lendu’mi re’dekna ara’na Daud lako tau iato, anna ma’kada lako Natan, nakua: La lelukraka tuoNa PUANG, iatu to mangka umpogau’i to, la mate dipatei.

2 SAMUEL 14:21

Mangkato ma’kadami datu lako Yoab, nakua: Iate palaku iate kueloran. Malemoko musolanni sule tu Absalom, to mangura iato.

TOMANGADA’ 9:2

Pada bangsia mintu’na tu napotaanna mintu’ tolino, pada tu dalle’ urrampoi to malambu’ sia to tang mekaaluk, to melo sia to masero, susi duka tu to maruttak, to memala’ sia to tang memala’; susitu apa urrampoi to melo, ten dukamoto tu to kadake gau’na; susitu apa urrampoi to umpalao sumpa, ten dukamoto tu to mataku’ umpalao sumpa.

1 SAMUEL 14:24

Iatonna dipakapussakan tu to Israel allo iato, napa’parentammi Saul lako to buda tu ullaoanni kada, nakua: Tampakan ropu tu to ullepa’ apa, ke tae’pi namakaroen sia ke tae’pi kupabala’i tu ualingku. Iamoto anna tae’ bangi misa’ tu to buda ullepa’ kande.

1 SAMUEL 14:40

Mangkato ma’kadami tu Saul lako mintu’ to Israel, nakua: Kamu sola nasang la ma’misa sangsese, anna aku sola anakku sangsese. Mebalimi tu to buda lako Saul, nakua: Pogau’mi tu misanganna melo dio pentiromi.

1 SAMUEL 14:44

Nakuami Saul: La Nasanggangina’ Puang Matua, sia la Narangngannipa, ke tae’i mudipatei, Yonatan.

1 SAMUEL 19:6

Naperangiimi Saul tu kadanna Yonatan, anna umpalao sumpa, nakua: La lelukraka tuoNa PUANG, nala dipateira.

1 SAMUEL 20:31

Belanna lan mintu’ allo katuoanna anakna Isai dao kuli’na padang, manassa iko sia katuoammu tang marendeng. Iamoto suai tau lao unnalai, anna baai lako kaleku, belanna manassa la dipatei.

1 SAMUEL 22:16

Apa nakua datu: E Ahimelekh, manassa inang la dipateikomi, la kamu la mintu’ sangdadiammi.

1 SAMUEL 28:10

Umpalaomi sumpa tu Saul lako tete dio sanganNa PUANG, nakua: La lelukraka tuoNa PUANG, nala urrampoiko kamasussan belanna apa iate.