1 SAMUEL 14:38 - Sura' Madatu

³⁸ Ma’kadami Saul nakua: Maikomi sola nasang, e kamu mintu’ pangulu to buda, la miparessa ammi issanni, kumua umba nanii bu’tu tu kasalan iato.

1 SAMUEL 14:38 ပူးပေါင်းရင်းမြစ်များ

2 SAMUEL 18:3

Apa nakua tu mintu’ surodadu: Da natassu’ tu puang ussisolangkanni; belanna moi angki mallai nasang, tae’ nadampangi, ondongpi iake matekan sesena, tae’ duka nadampangi; sangadinna puangkiri tu pada sangpulo sa’bu taummi. Ondongpi totemo mandu melo ia, ke mitundui lankanni mai kota.

PA’PUDIAN 47:9

Puang Matua umparentai tu mintu’ bangsa, sia Puang Matua unnisungi isungan kapayungan maindanNa.

ZAKHARIA 10:4

Dio mai tau iato mai la nanii bu’tu tu batu petau, dio mai tau iato mai la nanii bu’tu tu tana’ tenda, dio mai tau iato mai la nanii bu’tu tu pana dipake lan kapararian, sia dio mai tau iato mai la nanii pada bu’tu tu mintu’ to paa.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

MATIUS 21:42

Nakuami Yesu lako: Tae’paraka mibasa lenni lan Sura’ madatu kumua: Iatu batu natibe pande, ia bangsiamo mendadi batu petau. Susimoto Napogau’ Puang, na iatu iannato memangngan ke pentirota.

EFESUS 2:20

tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.

YOSUA 7:11

Umpogau’mo kasalan tu to Israel sia nalendaimo tu pangallu’Ku, tu Kupasan lako kalena, sia naala dukamo tu apa dipemalii, sia naboko duka, sia napasola bunimo pareanan banuanna.

YOSUA 7:12

Iamoto natae’ naattai tu to Israel bendan unnea ualinna, memboko’mo dio mai ualinna, belanna pepayuammo. Iake tae’i misabu’i tu pepayu dio lu kalemi, tae’mo Kula urrondongkomi.

TO PARENGNGE’ 20:2

Iatu pangulunna mintu’ bangsa iato, iamotu mintu’ suku to Israel umpangului kombonganna taunNa Puang Matua; a’pa’ ratu’ sa’bunna tu tau lumingka, tu ma’din parari.