1 SAMUEL 14:36 - Sura' Madatu

³⁶ Mangkato ma’kadami Saul: Maikomi tamengkalao unnula’i tu to Filistin ke bongii sia tapangrampai sae lako berre’na allo sia da tapatorroi moi misa’ duka. Mebalimi tu tau iato mai, nakua: Pogau’mi tu mintu’na misanganna melo dio pentiromi. Apa nakua tu to minaa: Tamenomba lako Puang Matua indete.

1 SAMUEL 14:36 ပူးပေါင်းရင်းမြစ်များ

PA’PUDIAN 73:28

Apa iatu akunna melo aku tu mase’pon lako Puang Matua, iatu Puangku PUANG kupoperinding pala’, dikua angku pa’peissananni tu mintu’ penggauramMi.

YESAYA 58:2

Tang nadaka’Ra’ka tu tau iato mai kiallo-kiallo sia morai unnissan lalanKu, susitu misa’ bangsa umpogau’ kamaloloan sia tang ussa’biangan katongananna Kapenombanna. Tau iato mai mekutana lako Kaleku, nakua: umbanna tu sipato’ sia malambu’ sia morai umpengkareke’i Puang Matua.

YEREMIA 6:5

Maikomi take’de’ bongi, anta sanggangi tu mintu’ tongkonan layukna.

MALEAKHI 2:7

Belanna iatu pudukna to minaa unnanna kapaissanan sia lan mai sadangna nanii tau undaka’ pangadaran diona Sukaran aluk, belanna iamo misa’ pesuanNa PUANGna mintu’ ma’dandan maritik.

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

YOSUA 10:19

Apa iate kamu da mimasalio, sangadinna ula’i tu ualimmi, sia laoi tu to dio boko’na: da mipopa’elo’nai tama tondokna, belanna Nasorong PUANG, Kapenombammi, tu tau iato tama limammi.

YOSUA 11:14

Na iatu mintu’ pangrampa lan mai mintu’ kota iato sia mintu’ sapi sia domba sia bembe’ pada naala to Israel; ia manna tu mai tau pura napatei pa’dang sae lako mangsan nasang, moi misa’ tu kepenaanna tae’ bang napatorro.

1 SAMUEL 1:23

Ma’kadami tu Elkana, muanena, lako nakua: Pogau’mi tu apa musanga melo, torromoko sae lako musarakkinna; na PUANGmora umpasundunni tu kadanNa. Torromi tu baine iato umpasusu anakna sae lako nasarakkinna.

1 SAMUEL 11:11

Iatonna masiangmo napatallung tuntunammi Saul tu tau iato mai, anna tama to’tendana uali tonna dannari sia nasabu’imi tu to Amon tonna tae’pa nakulla’ allo; anna sisarak-sarak tu mintu’ to torropa, naurunganni tae’mo torro sibaa sida’dua tu tau.

1 SAMUEL 14:3

Iatu Ahia, anakna Ahitub, siulu’na Ikabod, anakna Pinehas, anakna Eli, iamotu to minaanNa PUANG dio Silo, ma’pake epo’. Tae’ natandai to buda tu diona Yonatan kumua malemo.