1 SAMUEL 14:35 - Sura' Madatu

³⁵ Napabendanammi Saul misa’ inan pemalaran tu PUANG; iamote tu inan pemalaran bunga’na napabendanan PUANG.

1 SAMUEL 14:35 ပူးပေါင်းရင်းမြစ်များ

2 SAMUEL 24:25

Na inde to nanii Daud umpabendananni PUANG tu misa’ inan pemalaran, napemalaranni tu pemala’ ditunu pu’pu’ sia pemala’ kasalamaran. Natarimami PUANG tu passambayangna sia Nakamasei tu tondok anna dipatoyang tu kasanggangan dio mai to Israel.

HOSEA 8:14

Ondongpi nakalupaimo Israel tu To tumampana sia umpabendan tongkonan layuk, tonna marassan to Yehuda umpebudai kota ditambakuku. Apa la Kupasonglo’ tu api tama kota iato mai, anna purai nakande tu mintu’ tambakukunna.

2 TIMOTIUS 3:5

Ma’matottong-tottong butung to ungkaritutui aluk, apa napeongannimo tu kamatotoran ungkaritutui aluk; toyangan dukako kalemu dio mai tu to susito.

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

TO PARENGNGE’ 21:4

Iatonna masiangmo melambi’ bangsiapa napabendanmi bangsa iato tu misa’ inan pemalaran inde to dio, anna pennoloanni tu pemala’ ditunu pu’pu’ sia pemala’ kasalamaran.

TO PARENGNGE’ 6:24

Inde to dio nanii Gideon umpabendananni PUANG tu misa’ inan pemalaran, anna sangai: PUANGmo tu oto’na kasalamaran. Bendanpa tu inan pemalaran iato sae lako allo iate dio Ofra, tondokna to Abiezer.

1 SAMUEL 14:34

Sia nakua duka Saul: Malekomi ullelei lan lu te to buda, ammi pokadanni, kumua: Pada baakomi sapimmi sia dombami mai, mitunui inde te, mikandei. Apa da mikasalan lako PUANG, belanna ungkande duku’ sola rarana. Bongi ia dukato pantan ia kalenami tu to buda urrendenni tu sapinna la natunu dio.

1 SAMUEL 7:12

Attu iato naalami Samuel tu batu misa’ napabendanni dio kasiallaranna Mizpa na Yesana sia nasangai Eben-Haezer, anna ma’kada nakua: Rampo indete Nanii PUANG untunduiki’.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 7:9

Naalami Samuel tu anak domba sumusu misa’, napemalaran nasangi lako PUANG, la dadi pemala’ ditunu pu’pu’. Napassambayangammi Samuel tu to Israel lako PUANG, anNa tarimai PUANG tu palakunna.