1 SAMUEL 14:27 - Sura' Madatu

²⁷ Apa tae’ narangii Yonatan tonna pa’parentan laoan kada tu ambe’na lako to buda. Napa’dulluammi tu tampak tekken dio limanna naotonni tama tani’ enoan; iatonna parapa’mi tu limanna lako pudukna, masiangmi natiro.

1 SAMUEL 14:27 ပူးပေါင်းရင်းမြစ်များ

SARAMBU PEADA’ 24:13

Kandei tu tani’ enoan, e anakku muane, belanna melo tu iannato, sia iatu tallo’ merang matappa’ lan lingaromu.

SARAMBU PEADA’ 25:26

Susi uai saruran dipamalutu sia uai kalimbuang dipamaruttak, susi dukamoto tu to malambu’ ungkalaa’ to tang mekaaluk.

1 SAMUEL 14:28

Ma’kadami misa’ dio mai tu to buda lako kalena, nakua: Mandu liu napa’parentan ambe’mi tu laoan kada lako tu buda, nakua: Tampakan ropu, tu to ullepa’ apa lan allo iate. Iamoto anna bo’yok liumo tu to buda.

1 SAMUEL 14:29

Nakuami Yonatan: Ambe’ku umpamandasai tu tondok! Tiromi matumbai mase’rokna matangku tongku lepa’i sidi’ tu tani’ enoan.

1 SAMUEL 14:43

Nakuami Saul lako Yonatan: Pokadanna’, apara tu penggaurammu. Napokadammi Yonatan lako, nakua: Uai tani’ manna kulepa’ sidi’, kutossok tampak tekken kutoe. Inde siana’: tae’ kupomatana’i tu la mate.

1 SAMUEL 30:12

sia naben dukapa sangrere’ tu bua ara sanglemun sia da’dua deppa bua anggoro’ dirangkei, nakandei namane malapu’ sule, belanna tallung allo tallung bongimo tang kumande sia tang unniru’ uai.