1 SAMUEL 14:25 - Sura' Madatu

²⁵ Iatu to buda male nasang tama pangala’ anna dio padang lappa’ iato den tani’ enoan.

1 SAMUEL 14:25 ပူးပေါင်းရင်းမြစ်များ

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

SARAMBU PEADA’ 25:16

Iake muappa’i tu tani’ enoan, kande bangi silasanna, da mupeko’sai, mulua manii sule.

KADIBILANGAN 13:27

Anna uleleanni lako sia ma’kada nakua: Rampomokan tama tondok, tu minii ussuakan male; manassa tonganna iatu tondok iato nanii sebo pangandu’ sia tani’ enoan, sia iamote tu bua kayunna.

PA’TOLE 9:28

anna lan tondok, tu Minii ussolangkan tassu’, da nama’kada tu pa’tondokanna, kumua: Belanna tae’ Nabelai tu PUANG ussolanni tu tau iato tama tondok, tu mangka Naalluranni sia belanna Nakabiri’ tu tau iato, iamoto Nasolanni tassu’ la Napatei lan padang pangallaran.

TO PARENGNGE’ 14:9

Naalami tu tani’ enoan iato napadiongi pala’na, anna male ungkande lolananni. Iatonna rampomo lako indo’ ambe’na naben dukami pira, anna kandei. Apa tae’ napokada lenni, kumua iatu tani’ enoan iato naala lan mai singa mate.

1 SAMUEL 14:24

Iatonna dipakapussakan tu to Israel allo iato, napa’parentammi Saul lako to buda tu ullaoanni kada, nakua: Tampakan ropu tu to ullepa’ apa, ke tae’pi namakaroen sia ke tae’pi kupabala’i tu ualingku. Iamoto anna tae’ bangi misa’ tu to buda ullepa’ kande.

1 SAMUEL 14:26

Iatonna rampomo tu to buda tama pangala’, denmi inde to tu tani’ enoan sebo, apa moi misa’ tau tae’ umparampo limanna lako pudukna, belanna ungkataku’ laoan kada.